ટંકારના સજનપર ગામથી નીકળતી એસટી બસ બંધ થતાં વિધાર્થીઓ હેરાન
SHARE
JOIN OUR GROUP
ટંકારના સજનપર ગામથી નીકળતી એસટી બસ બંધ થતાં વિધાર્થીઓ હેરાન
મોરબી જિલ્લાના વાંકાનેરથી ટંકારા તાલુકાના સજ્જનપર થઈને સવારે એસટી બસ આવતી હતી જેમાં વિદ્યાર્થીઓએ અભ્યાસ માટે મોરબી આવતા હોય છે જો કે, અચાનક જ આ એસટીને બંધ કરી દેવાતા વિદ્યાર્થીઓ હેરાન થઈ ગયા છે ત્યારે દરરોજ શાળાએ ભણવા માટે અપડાઉન કરતાં વિદ્યાર્થીઓ માટે તાત્કાલિક આ એસટી બસને શરૂ કરવામાં આવે તેવી તાલુકા પંચાયતના મહિલા સદસ્ય દ્વારા ડેપો મેનેજરને રજૂઆત કરવામાં આવી છે.
ટંકારા તાલુકાના સજ્જનપર ગામના રહેવાસી અને તાલુકા પંચાયતના મહિલા સદસ્ય મનીષાબેન રાજેશભાઇ કોરડીયાએ એસટીના ડેપો મેનેજરને લેખિત રજુઆત કરી છે જેમાં તેને જણાવ્યુ છે કે, વાંકાનેરથી સજ્જનપર થઈને એસટીની અંબાજી વાળી બસ નીકળતી હતી અને આ બસ સવારે છ વાગ્યે સજ્જનપર આવતી હોવાથી મોરબી અભ્યાસ કરવા માટે જતાં સજ્જનપર ગામના વિદ્યાર્થીઓએ તેમાં મોરબી આવતા હતા જો કે, અચાનક જ આ બેડને રદ કરી દેવામાં આવી છે. જેથી શાળાએ અપડાઉન કરતા ગામના વિદ્યાર્થીઓની મુશ્કેલી વધી ગયેલ છે જેથી કરીને વિદ્યાર્થીઓનું શિક્ષણ ન બગડે તે માટે તાત્કાલિક સજ્જનપર ગામેથી સવારે નીકળતી એસટી બસને ફરીથી શરૂ કરવા માટેની માંગ કરવામાં આવી છે.
