મોરબી બી ડિવિઝન વિસ્તારમાં અસામાજિક તત્વોને કાયદાનું ભાન કરાવતી પોલીસ

મોરબી બી ડિવિઝન વિસ્તારમાં કાયદો અને વ્યવસ્થાની સ્થિતિ વધુ સુદ્રઢ બને તે માટે અવાર નવાર કાયદો અને વ્યવસ્થાનું ઉલ્લંઘન કરતા અસામાજિક તત્વોને પોલીસ સ્ટેશને બોલાવવામાં આવ્યા હતા અને અધિકારી દ્વારા જરૂરી સૂચના આપીને કાયદામાં રહેશે તો ફાયદામાં રહેશે જેથી કાયદાનું પાલન કરવાની સૂચન આપવામાં આવેલ છે.

મોરબી જિલ્લાનો હવે કચ્છ બોર્ડર રેન્જમાં સમાવેશ કરવામાં આવેલ છે ત્યારે આઇજી ચિરાગ કોરડીયા અને એસપી મુકેશકુમાર પટેલની સૂચનાથી અને ડીવાયએસપી જે.એમ.આલના માર્ગદર્શન હેઠળ મોરબી બી ડિવિઝનના પીઆઇ જે.ડી.સરવૈયા દ્વારા બી ડિવિઝન વિસ્તારમાં અવારનવાર શરીર સંબંધી, મિલકત સંબંધી તેમજ દારૂના ગુનામાં પકડાયેલા અસામાજિક તત્વોને પોલીસે સ્ટેશને બોલાવવામાં આવ્યા હતા. અને ત્યાં તેઓને પીઆઇએ કાયદામાં રહેશો તો ફાયદામાં રહેશો તેવી ટકોર કરી હતી અને ખાસ કરીને ગુનાખોરીનો માર્ગ છોડીને સામાન્ય નાગરિકની જેમ જીવવા માટે પ્રેરણા આપી હતી.