મોરના ઇંડા ચીતરવા ન પડે: મોરબીના ડો.વી.સી.કાતરીયાના દીકરાએ આપ્યું એક કરોડનું દાન

(અહેવાલ: મહેન્દ્રસિંહ જાડેજા) મોરબીના પનોતા પુત્ર અને જાણીતા આંખના સર્જન ડો વી.સી.કાતારિયાના યુવાન પુત્ર દ્વારા માતા પિતા, પરિવારજનો અને ગુરુજનોએ આપેલ સંસ્કારના વારસાને મૈત્રીક કાતરિયાએ ઉજ્વળ કરી બતાવ્યો છે અને તેને ભાવનગરમાં કન્યા છાત્રાલય માટે ૨૫ લાખ અને મહુવામાં આવેલ વિપશ્યના કેન્દ્રને ૭૫ લાખ રૂપિયા આમ કુલ મળીને એક કરોડ રૂપિયાનું દાન આપેલ છે

મોરબી સહિત સૌરાષ્ટ્ર અને ગુજરાતનાં લોકો મોરબીની આંખની હોસ્પિટલમાથી નિવૃત થયેલા ડો વી.સી.કાતારિયાની સેવાને કયારે પણ ભૂલી શકે તેમ નથી ત્યારે તેઓના દીકરાએ પણ હિન્દી ફિલ્મના ગીત "પાપા કહેતે હૈ, બડા નામ કરેગા, બેટા હમારા એસા કામ કરેંગા..." ને આજે સાર્થક કરી બતાવી છે અને ડો વી.સી.કાતારિયાના દીકરા મૈત્રીક કાતરિયાએ અભ્યાસ પૂર્ણ કરીને પોતાની ફાર્મ બનાવી છે જેમાં આજની તારીખે તે ૭૦૦ જેટલા લોકોને રોજગારી આપે છે અને મૈત્રીક કાતરિયાએ હાલમાં યોજાયેલા કાર્યક્રમમાં મહુવા વિપશ્યના કેન્દ્રમા રૂપિયા ૭૫ લાખ અને ભાવનગરમાં કન્યા કેળવણી માટે રૂપિયા ૨૫ લાખનું અનુદાન આપેલ છે આમ કુલ  મળીને એક કરોડનું દાન તેના દ્વારા આપવામાં આવ્યું છે અને તેને પોતાના કાર્યનો તમામ શ્રેય પોતાના માતા, પિતા અને ગુરૂજનોને આપેલ છે