મોરબીના મહિલા કોર્પોરેટરને બ્રેઈન સ્ટ્રોક આવતા રાજકોટ ખાતે સારવાર હેઠળ

મોરબી મહાપાલિકાના મહિલા કોર્પોરેટરને બે દિવસ પહેલા બ્રેઈન સ્ટ્રોક આવ્યો હતો જેથી તેઓને સારવાર માટે હાલમાં રાજકોટ ખાતે દાખલ કરવામાં આવેલ છે અને હાલમાં તેઓની તબિયત સુધારા ઉપર છે.

મોરબી મહાનગરપાલિકાના વોર્ડ નં-9 ના કોર્પોરેટર નુતનબેન વિડજાને ગત નોમના દિવસે બ્રેઈન સ્ટ્રોક આવ્યો હતો જેથી તેને સારવાર માટે રાજકોટની ખાનગી હોસ્પીટલમાં સારવાર માટે લઈ ગયા હતા અને હાલ તેમની તબિયત સુધારા ઉપર છે વધુમાં તેઓના પતિ હસુભાઈ વિડજા સાથે વાત કરતાં તેઓએ કહ્યું હતું કે, તેઓના પત્નીને બ્રેઈન સ્ટ્રોક આવ્યો હોવાની જાણ થતાં મહાપાલિકાના કોર્પોરેટરો અને ભાજપના આગેવાનો દ્વારા તેમના સારા સ્વાસ્થ્ય માટે ભગવાનને પ્રાર્થના કરવામાં આવી હતી અને તા. 7/9 ના રોજ નુતનબેન વિડજાનો જન્મદિવસ હોય સહુ કોઈએ તેમના સારા સ્વાસ્થ્ય માટે પ્રાર્થના કરી હતી.