માળીયા(મી) હાઈવે ઉપર વોલ્વો એસટી સાથે ડમ્પર અથડાતાં વાહનમાં નુકશાન
SHARE
JOIN OUR GROUP
માળીયા(મી) હાઈવે ઉપર વોલ્વો એસટી સાથે ડમ્પર અથડાતાં વાહનમાં નુકશાન
માળીયા કંડલા હાઈવે ઉપર સુરજબારી પુલથી આગળના ભાગમાં માળીયા તરફ આવતા રોડ ઉપર ડમ્પર ચાલકે પોતાનું વાહન બેફીકરાઈથી ચલાવીને વોલ્વો એસટી અને ટ્રેલર અડફેટે લેતા બંને વાહનમાં નુકશાની થયેલ હતી જેથી વોલ્વો એસટીના ચાલકે માળિયા તાલુકા પોલીસ સ્ટેશન ખાતે ડમ્પરના ચાલક સામે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે.
બનાવની જાણવા મળતી વિગત મુજબ ભાવનગરના તળાજા રોડ ઉપરથી શિવ નગરમાં રહેતા અને ડ્રાઇવિંગનું કામ કરતાં મયુરસિંહ યોગેન્દ્રસિંહ ઝાલા (ઉંમર ૨૯) એ હાલમાં ડમ્પર નંબર જીજે ૧૨ બીડબલ્યુ ૭૫૪૪ ના ચાલકની સામે માળિયા તાલુકા પોલીસ સ્ટેશન ખાતે ફરિયાદ નોંધાવી છે જેમાં તેણે જણાવ્યું છે કે, ડમ્પર ચાલકે ગફલતભરી રીતે પોતાનું વાહન ચલાવીને તેની આગળના ભાગમાં જઈ રહેલી ટ્રેલરમાં પહેલાં પોતાનું વાહન અથડાવ્યું હતું અને ત્યારબાદ વોલ્વો એસટી નંબર જી.જે. ૭ વાયઝેડ ૬૮૧૭ માં સમપર અથડાવ્યું હતું જેથી કરીને ટ્રેલર અને એસટીમાં નુકસાની થઈ હતી માટે હાલમાં મયુરસિંહ ઝાલા નોંધાવેલી ફરિયાદના આધારે માળિયા તાલુકા પોલીસે ડમ્પર ચાલક સામે ગુનો નોંધી આગળની કાર્યવાહી હાથ ધરી છે.
આરોપી પકડાયો
મોરબી જિલ્લા પેરોલ ફર્લો સ્કવોડના જયેશભાઇ વાઘેલા, ચંન્દ્રકાંતભાઇ વામજા તથા બ્રિજેશભાઇ કાસુન્દ્રાને ખાનગી રાહે મળેલ હકીકત આધારે હળવદના દારૂના ગુનામાં નાસતા ફરતા આરોપી પપ્પુ ઉર્ફે રાધે ઉર્ફે કિશન નવઘણભાઇ રાતડીયા રહે. મૂળ ગાગોદર તાલુકો રાપર હાલ રહે જેતપર મોરબી વાળાની ધરપકડ કરેલ છે અને આરોપીને હળવદ પોલીસ સ્ટેશનને સોંપી આપેલ છે.
