વાંકાનેરના આરોગ્ય નગરમાં જૂના ઝઘડાનો ખાર રાખીને યુવાનના ઘરમાં તોડફોડ : સામસામી ફરિયાદ નોંધાઈ
Morbi Today
મોરબીમાં લખધીરગેટ પોલીસ ચોકી પાસેથી ૫૮ બોટલ દારૂ ભરેલી અર્ટીંગા સાથે બે શખ્સ ઝડપાયા
SHARE
JOIN OUR GROUP
મોરબીમાં લખધીરગેટ પોલીસ ચોકી પાસેથી ૫૮ બોટલ દારૂ ભરેલી અર્ટીંગા સાથે બે શખ્સ ઝડપાયા
મોરબીમાં લખધીરગેટ પોલીસ ચોકી પાસેથી ગઇકાલે બપોરના સમયે અર્ટીંગા કાર પસાર થઈ રહી હતી ત્યારે તે કારને રોકીને પોલીસે ચેક કરી હતી તે સમયે કારમાંથી દારૂની જુદીજુદી બ્રાન્ડની કુલ ૫૮ બોટલ મળી આવી હતી જેથી પોલીસે દારૂ અને કાર સાથે કુલ મળીને ૨.૬૧ લાખનો મુદામાલ કબજે કરીને બે શખ્સની ધરપકડ કરેલ છે અને દારૂનો જથ્થો કારમાં કયાથી ભરવામાં આવ્યો હતો અને કોને આપવાનો હતો તે દિશામાં તપાસ શરૂ કરવામાં આવી છે
બનાવની જાણવા મળતી વિગત પ્રમાણે મોરબીમાં લખધીરગેટ પોલીસ ચોકી પાસેથી ગઇકાલે બપોરના સમયે અર્ટીંગા કાર નંબર જી.જે. ૨૭ એ.એ. ૪૦૨૩ નીકળી હતી જે ગાડીને રોકીને પોલીસે ચેક કરી હતી ત્યારે તે ગાડીમાંથી રેડ લેબલ બ્લેન્ડર સ્કોચ વ્હીસ્કી ૭૫૦ એમ.એલ. ની ૧૧ બોટલ, સિગ્નેચર માસ્ટર બ્લેન્ડર રેર એજેડ વ્હીસ્કી ૭૫૦ એમ.એલ. ની ૨૩ બોટલ અને બ્લેન્ડર પ્રાઇડ સીલેક્ટ પ્રીમીયમ વ્હીસ્કિની ૭૫૦ એમ.એલ. ની ૨૪ બોટલ મળી આવી હતી જેથી કરીને પોલીસે દારૂનો જથ્થો અને કાર મળીને ૨,૬૧,૨૬૦ નો મુદામાલ કબજે કર્યો હતો અને ગાડીમાં બેઠેલ આરોપી કાનજીભાઇ ઉર્ફે કાનો જસાભાઇ ડોડીયા જાતે રાજપુત (ઉ.૩૨) રહે. ખમીયાણા રોડ, ગોકુલનગર, ૩૪ સુરેંદ્રનગર અને ભાવેશભાઇ નીરૂભાઇ જાદવ જાતે સતવારા (ઉ.૩૦) રહે. બોનીપાર્ક, રૂદ્રાક્ષ એપાર્ટમેંટ, ૨૦૪ રવાપર રોડ, મોરબી મુળ નરશીપરા, મુનકાનીવાડી, સુરેન્દ્રનગર વાળાની ધરપકડ કરેલ છે
વરલી જુગાર
મોરબીના સાવસર પ્લોટમાં વરલી જુગારના આંકડા લેવામાં આવતા હોવાની એ ડિવિઝન પોલીસને બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે ત્યાં વરલીના આંકડા લેતા લાભુભાઇ કાનજીભાઇ અઘારા પટેલ (ઉ.૬૪) રહે. શનાળા રોડ સ્કાયમોલ સામે ભરતનગર-૨ મોરબી મુળ જેતપર વાળો મળી આવ્યો હતો જેથી પોલીસે ૧૩૭૩૦ રૂપિયાની રોકડ કબ્જે કરીને જુગાર ધારા હેઠળ ગુનો નોંધીને આગળની કાર્યવાહી કરી હતી.
