મોરબીમા યંગ ઇન્ડિયા ગ્રુપ દ્વારા સ્વતંત્રતા દિવસ નિમિત્તે લોકોમાં ત્રિરંગાનું વિતરણ કરાયુ

મોરબીમા યંગ ઇન્ડિયા ગ્રુપ દ્વારા સ્વતંત્રતા દિવસ નિમિત્તે દેશની આન, બાન અને શાન સમા ત્રિરંગા(રાષ્ટ્રધ્વજ) ના પ્રતીક રૂપે ત્રિરંગાના ચિન્હરૂપી કલીપને મોરબી શહેરમાં જાહેર સ્થળોએ વિતરણ કરીને ત્રિરંગા અને દેશ પ્રત્યે આદરભાવ અને રાષ્ટ્રભાવના પ્રગટાવવાનો પ્રયાસ કરવામાં આવ્યો હતો.યંગ ઇન્ડિયા ગ્રૂપ દ્વારા લોકોને દેશપ્રેમ અને ભાઈચારા સાથે રાષ્ટ્રહિતનીવૃત્તિ અને દ્રષ્ટિ કેળવાય તેવા હેતુથી ૧૫ મી ઓગસ્ટ આઝાદીના પર્વ નિમિતે દેશના ગર્વ અને સન્માનના પ્રતીક સમાન ભારતનો રાષ્ટ્રધ્વજ તિરંગાને ચિન્હરૂપે લગાડી રાષ્ટ્રપ્રત્યે કૃતજ્ઞતા વ્યક્ત કરી દેશપ્રેમ જાગૃત કરવાનો પ્રયત્ન કર્યો હતો.