ટંકારાની સરાયા ચોકડી પાસેથી ડબલ સવારી બાઇક આડે ખુટિયો ઉતરતા અકસ્માતમાં એક યુવાનું મોત
Morbi Today
માળીયા (મી)ના અણીયારી ટોલનાકા પાસેથી ૫૧૦૦ બોટલ દારૂનો જથ્થો ભરેલા કન્ટેનર સાથે રાજસ્થાનીની ધરપકડ
SHARE
JOIN OUR GROUP
માળીયા (મી)ના અણીયારી ટોલનાકા પાસેથી ૫૧૦૦ બોટલ દારૂનો જથ્થો ભરેલા કન્ટેનર સાથે રાજસ્થાનીની ધરપકડ
મોરબી જિલ્લામાં યેનકેન પ્રકારે દારૂનો જથ્થો બુટલેગરો દ્વારા લાવવામાં આવે છે જોકે પોલીસ દ્વારા અગાઉ અનેક વખત જુદી જુદી વસ્તુઓની આડમાં દારૂનો જથ્થો મોરબી જિલ્લામાં આવતો હોય તેવું પકડવામાં આવેલ છે દરમિયાન મોરબી જિલ્લા એલસીબીની ટીમને મળેલ બાતમી આધારે અણીયારી ટોલનાકા પાસે વોચ ગોઠવવામાં આવી હતી અને ત્યાંથી અશોક લેલન કન્ટેનર ગાડી નીકળી હતી આ ગાડીને રોકીને પોલીસે ચેક કરતા તેમાંથી દારૂની જુદીજુદી બ્રાન્ડની ૫૧૦૦ બોટલનો જથ્થો મળી આવ્યો હતો જેથી કરીને પોલીસે કુલ મળીને ૩૪,૪૭,૨૩૦ નો મુદ્દામાલ કબજે કર્યો હતો અને ઓટો પાર્ટની ખોટી બીલટીની બનાવીને તેની આડમાં દારૂનો જથ્થો મોરબીમાં ઘુસાડવામાં આવતો હોવાનું સામે આવ્યું છે
જાણવા મળતી વિગત પ્રમાણે મોરબી જિલ્લા એસીબીની ટીમના રામભાઈ મઢ, નિરવભાઈ મકવાણા તથા ભરતસિંહ ડાભીને મળેલ બાતમી આધારે માળિયા મીયાણાના અણિયારી ટોલનાકા પાસે વોચ ગોઠવવામાં આવી હતી ત્યારે ત્યાંથી નીકળેલ અશોક લેલન કન્ટેનર ગાડીને રોકીને એલસીબીની ટીમ દ્વારા તે ગાડીને ચેક કરવામાં આવી હતી ત્યારે તેમાંથી જુદી જુદી બ્રાન્ડની કુલ મળીને દારૂની ૫૧૦૦ બોટલ મળી આવી હતી જેથી પોલીસે દારૂ તેમજ અશોક લેલન ગાડી નંબર એચઆર ૫૫ વી ૪૨૨૭ જેની કિંમત રૂપિયા દસ લાખ અને ૫૦૦૦ નો મોબાઈલ અને રોકડા ૧૯૧૦ રૂપિયા આમ કુલ મળીને ૩૪,૪૭,૨૩૦ ના મુદ્દામાલ સાથે પોલીસે ત્રિલોક્સિંગ ઓમસિંગ રાવત જાતે રાજપૂત (ઉંમર ૨૯) રહે. રાજવા છીપોલા ગામ રાજસ્થાન વાળાની ધરપકડ કરેલ છે અને તેની પાસેથી પ્રેમસિંગ રહે. હરિયાણા વાળાનું નામ સામે આવ્યું હોય તેને પકડવા માટે થઈને પોલીસે તજવીજ શરૂ કરી છે વધુમાં એલસીબીની ટીમના સૂત્રો પાસેથી જાણવા મળતી વિગત પ્રમાણે બુટલેગરો દ્વારા અશોક લેલન કન્ટેનરમાં ઓટો પાર્ટની ખોટી બિલ્ટી બનાવીને તેની આડમાં હરિયાણાથી મોરબી દારૂનો જથ્થો લઈ આવવામાં આવ્યો હતો આ દારૂ મંગાવનાર તેમજ મોકલનાર સહિત આમાં કોણ કોણ સામેલ છે તે દિશામાં હાલમાં પોલીસ દ્વારા માળિયા મીયાણા તાલુકા પોલીસ સ્ટેશન ખાતે ગુનો નોંધીને તપાસ શરૂ કરવામાં આવી છે
