મોરબી જિલ્લાની ત્રણ વિધાનસભા બેઠકમાં નવા ૯૨,૨૩૬ મતદારોનો ઉમેરાયા

ગુજરાત વિધાનસભાની આગામી ચુંટણીને ગણતરીના મહિના જ બાકી છે ત્યારે ચુંટણીમાં મતદારો તેના મતાધિકારનો ઉયોગ કરી શકે તેના માટે ચુંટણી વિભાગ દ્વારા કામગીરી કરવામાં આવી રહી છે અને આ ચૂંટણી મોરબી જિલ્લાની ત્રણ વિધાનસભા બેઠકમાં નવા ૯૨,૨૩૬ મતદારોનો ઉમેરો થયો હોવાનું અધિકારી પાસેથી જાણવા મળેલ છે અને મોરબી-માળિયા, ટંકારા-પડધરી અને વાંકાનેર-કુવાડવા બેઠકની આખરી મતદાર યાદી પ્રસિદ્ધ કરવામાં આવી છે

છેલ્લે વર્ષ ૨૦૧૭ માં વિધાનસભાની ચુંટણી યોજાઇ હતી ત્યાર બાદ જે યુવાનોની ઉમર ૧૮ વર્ષની થઈ ગઈ હોય તેના નામને મતદાર યાદીમાં સમાવેશ કરવા માટેની ચૂંટણી વિભાગ દ્વારા કવાયત કરવામાં આવી હતી અને અહીથી બહાર ગામ ગયેલ મતદારોના નામ કમી કરવા અને બહારથી અહી આવેલ મતદારોના નામ ઉમેરવા માટેની કામગીરી કરવામાં આવી રહી હતી દરમ્યાના મોરબી જિલ્લાની ત્રણેય બેઠકમાં નવા ૯૨,૨૩૬ મતદારો ઉમેરાયા છે જેમાં મોરબીમાં અગાઉ ૨,૫૫,૯૭૧ મતદારો હતા જો કે, આગામી ચુંટણીમાં ૨,૮૬,૬૮૬ મતદારો મતદાન કરશે તો ટંકારામાં અગાઉ ૨,૨૪,૫૨૧ મતદારો હતા જો કે, આગામી ચુંટણીમાં ૨,૪૯,૪૪૪ મતદારો મતદાન કરશે અને વાંકાનેરમાં અગાઉ ૨,૪૪,૬૦૮ મતદારો હતા અને હવેની ચુંટણીમાં ૨,૮૧,૨૦૫ મતદારો મતદાન કરશે આમ ત્રણેય બેઠકમાં કુલ મળીને ૯૨,૨૩૬ મતદારોનો ઉમેરો થયો છે વધુમાં માહિતી આપતા અધિકારીએ જણાવ્યુ હતું કે, મોરબી-માળિયા બેઠકમાં ૧,૪૮,૬૯૫ પુરુષ, ૧,૩૭,૯૮૮ સ્ત્રી અને ૩ અન્ય મતદારો છે તો ટંકારા બેઠકમાં ૧,૨૮,૧૩૧ પુરુષ અને ૧,૨૧,૩૧૩ સ્ત્રી મતદારો છે તેમજ વાંકાનેર બેઠકમાં ૧,૪૫,૨૨૧ પુરુષ, ૧,૩૫,૯૮૩ સ્ત્રી અને ૧ અન્ય મતદાર છે અને જીલ્લાની ત્રણ બેઠક માટે ૪,૨૨,૦૪૭ પુરુષ, ૩,૯૫,૨૮૪ સ્ત્રી અને ૪ અન્ય મતદારો મળીને ૮,૧૭,૩૩૫ મતદારો નોંધાયેલા છે