માળીયા (મિ)ના ચમનપર ગામે તળાવમાં ડૂબી જવાથી યુવાનનું મોત

માળિયા (મી)ના ચમનપર ગામે યુવાન પાણીમાં ડૂબી ગયો હતો જેથી કરીને તેનું ઘટના સ્થળે જ મોત નીપજયું હતું અને તેના મૃતદેહને હોસ્પિટલે ખસેડીને માળીયા પોલીસે બનાવની નોંધ કરીને આગળની કાર્યવાહી કરેલ છે

મળતી માહિતી મુજબ માળિયાના ચમનપર ગામે તળાવમાં યુવાન ન્હાવા માટે ગયો હતો ત્યારે તે પાણીમાં ડૂબી ગયો હતો જેથી કરીને તેની જાણ મોરબી પાલિકાના ફાયર વિભાગને કરવામાં આવી હતી જેથી ફાયરની ટીમ ત્યાં દોડી ગઈ હતી અને તરવૈયાઓની મદદથી તળાવમાંથી યુવાનનો મૃતદેહ બહાર કાઢવામાં આવ્યો હતો અને આ બનવાની માળિયા પોલીસને જાણ કરવામાં આવતા પોલીસ પણ ત્યાં આવી ગઈ હતી અને મૃતક યુવાનનું નામ વિજય પરમાર (૨૨) હોવાનું સામે આવ્યું છે જેથી માળીયા પોલીસે બનાવની નોંધ કરીને આગળની કાર્યવાહી કરેલ છે