મોરબી જિલ્લા પ્રાથમિક શિક્ષક સંઘના પ્રમુખ-મહામંત્રી સહિતના હોદેદારોની બિન હરીફ વરણી
Morbi Today
મોરબીમાં મેડિકલની સારવારમાં દેણું વધી જતાં લૂંટનો પ્લાન બનાવ્યો !
SHARE
JOIN OUR GROUP
મોરબીમાં મેડિકલની સારવારમાં દેણું વધી જતાં લૂંટનો પ્લાન બનાવ્યો !
મોરબીના પીપળી ગામ પાસેથી ૨૯ લાખની લૂંટ કરવામાં આવી હતી જે ગુનામાં પોલીસે સાત આરોપીઓની ધરપકડ કરેલ છે અને આ આરોપીઓ આગામી તા ૩૦ સુધી પોલીસ રિમાન્ડ ઉપર છે ત્યારે હજુ પણ કેટલાક ગુનાના ભેદ ઉકેલવાની શક્યતા સેવાઇ રહી છે અને સૂત્રોના કહેવા પ્રમાણે લૂંટની ઘટના આપનારા આરોપી ઉપર મેડિકલની સારવાર પછી દેણું વધી ગયું હતું જેથી કરીને તેને લૂંટની ટીપ આપી હોવાનું સામે આવી રહ્યું છે
થોડા દિવસો પહેલા મોરબી નજીકના પીપળી ગામે આવેલ કેલે ફેકશન ટેકનો પ્રાઇવેટ લિમિટેડ કંપનીમાં કેશિયર તરીકે કામ કરતો અને પીપળી ગમે રહેતો ચંદ્રેશભાઇ સવજીભાઈ શિરવી (૩૬) પોતાનું કામકાજ પૂરું કરીને પોતાના ઘર તરફ જતો હતો ત્યારે પીપળી ગામ પાસે આવેલ આશ્રમ નજીક તેના બાઇકને અજાણી કારમાં આવેલા ત્રણ શખ્સોએ ઠોકર મારી હતી અને ત્યાર બાદ ચંદ્રેશભાઇને ઢીકાપાટુનો માર મારીને તેની પાસેથી રોકડા ૨૯ લાખ ભરેલ થેલો લઈને આરોપીઓ કારમાં નાસી ગયા હતા ત્યાર બાદ ચંદ્રેશભાઇ શિરવીએ મોરબી તાલુકા પોલીસ સ્ટેશને લૂંટની ફરિયાદ નોંધાવી હતી આ ગુનામાં પોલીસે મયુરસિંહ દિલીપભાઈ ડોડીયા જાતે કારડીયા રાજપુત (૨૮), શક્તિસિંહ ઉર્ફે ભાણો નીનુભા ગોહિલ જાતે કારડીયા રાજપુત (૨૯), મહિપાલસિંહ અભેસંગ ગોહેલ જાતે કારડીયા રાજપુત (૨૭), ભગવાન ઉર્ફે ભગો કરસનભાઈ રબારી (૩૦), રાજેન્દ્રસિંહ ઉર્ફે રાજભા દિલીપભાઈ લીબોલા (૨૮), દશરથ ઉર્ફે લાદેન જીલુભાઈ પરમાર (૨૮) અને અર્જુનગીરી નારદગીરી ગોસાઈ (૨૧) ની ધરપકડ કરેલ હતી અને આ આરોપીઓ આગામી તા ૩૦ સુધીના રિમાન્ડ ઉપર છે ત્યારે સૂત્રો પાસેથી મળતી માહિતી મુજબ આરોપી અર્જુનગીરી નારદગીરી ગોસાઈ ઉપર મેડિકલની સારવાર પછી દેણું વધી ગયું હતું જેથી કરીને તેને ઝડપથી રૂપિયા મેળવવા માટે મયુરસિંહ દિલીપભાઈ ડોડીયાને લૂંટની ઘટનાને અંજામ આપવા માટે ટીપ આપી હતી
