મોરબીના કાલિકા પ્લોટમાં ટીવી માથા ઉપર પડતાં ઘરમાં રમતી માસુમ બાળકીનું મોત
Morbi Today
વાંકાનેરના ભાયાતી જાંબુડીયા ગામ પાસે ઝાડની ડાળી સાથે ગળાફાંસો ખાઈને યુવાને અનંતની વાટ પકડી
SHARE
JOIN OUR GROUP
વાંકાનેરના ભાયાતી જાંબુડીયા ગામ પાસે ઝાડની ડાળી સાથે ગળાફાંસો ખાઈને યુવાને અનંતની વાટ પકડી
વાંકાનેર તાલુકાના ભાયાતી જાંબુડીયા ગામ પાસે ખેતરમાં ઝાડની ડાળી સાથે પટ્ટા વડે ગળાફાંસો ખાઈને યુવાને આપઘાત કરી લીધો હતો જેથી તેના મૃતદેહને પીએમ માટે વાંકાનેરની સરકારી હોસ્પિટલ ખાતે લઇ આવ્યા હતા અને આ બનાવની વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી
બનાવની જાણવા મળતી માહિતી મુજબ મૂળ ઉત્તર પ્રદેશના ફતેપુર જિલ્લાના કોરાઇ ગામનો રહેવાસી અને હાલમાં ભાયાતી જાંબુડીયા ગામે આયોટા સીરામીક કારખાનામાં મજૂરી કામ કરતા અને ત્યાં લેબર કોલોનીમાં રહેતા વિનયકુમાર શિવપુજનસિંહ કુર્મી (૨૨) નામના યુવાને ભાયાતી જાંબુડીયા ગામ પાસે અશ્વમેઘ હોટલ નજીક એન.બી. ઝાલાના ખેતરમાં લીમડાના ઝાડની ડાળી સાથે કમરે બાંધવાના ચામડાના પટ્ટા વડે ગળાફાંસો ખાઈને આપઘાત કરી લીધો હતો જેથી તે અંગેની ભાવેશભાઈ ત્રીકમજીભાઈ ખોખાણી જાતે પટેલ (૩૦) રહે. અવની ચોકડી કેનાલ રોડ મોરબી વાળાએ વાંકાનેર તાલુકા પોલીસને જાણ કરી હતી અને મૃતક યુવાનના મૃતદેહને પીએમ માટે વાંકાનેરની સરકારી હોસ્પિટલ ખાતે લઈ ગયા હતા અને વાંકાનેર તાલુકા પોલીસે આપઘાતના બનાવની નોંધ કરીને આગળની કાર્યવાહી હાથ ધરી હતી અને દરમિયાન મૃતકના પરિવારજન પાસેથી પોલીસને મળેલ વિગત મુજબ યુવાનને કોઈ યુવતી સાથે પ્રેમ સંબંધ હતો અને તેને આપઘાત કરવા પાછળ તે પ્રેમ સંબંધ જવાબદાર હોવાની શક્યતા છે જેથી પોલીસે તે દિશામાં આગળની તપાસ શરૂ કરેલ છે
