વાંકાનેરના કણકોટ પાસે બાઈકમાંથી નીચે પટકાતાં વૃદ્ધાનું મોત

રાજકોટના ભવાની ચોક અંકુર-૮ જંગલેશ્વર ખાતે રહેતા વૃદ્ધા તેના દીકરાના બાઈકમાં પાછળ બેસીને રાજકોટથી વાંકાનેર તરફ આવી રહ્યા હતા ત્યારે કણકોટ નજીક ચક્કર આવતા વૃદ્ધા બાઈકમાંથી નીચે પડી ગયા હતા જેથી તેઓને બેભાન હાલતમાં સારવાર માટે હોસ્પિટલે લઈ ગયા હતા અને સારવાર દરમિયાન તેનું મોત નીપજયું હતું જેથી અકસ્માત મૃત્યુના બનાવની વાંકાનેર તાલુકા પોલીસને જાણ કરવામાં આવતા પોલીસે બનાવવાનો નોંધ કરી રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી પ્રમાણે મૂળ વાંકાનેર તાલુકાના ચંદ્રપુર પાસે આવેલ ગુલશન પાર્કના રહેવાસી અને હાલમાં રાજકોટમાં ભવાની ચોક અંકુર-૮ જંગલેશ્વર ખાતે રહેતા કુલસુમબેન ગનનીભાઈ હેરંજા જાતે પીંજારા (૬૨) પોતાના દીકરાના બાઈકમાં પાછળના ભાગે બેસીને રાજકોટથી વાંકાનેર તરફ આવી રહ્યા હતા દરમિયાન વાંકાનેર નજીક આવેલ કણકોટ ગામ પાસે કુલસુમબેન ચક્કર આવતા બાઈકમાંથી નીચે પટકાયા હતા અને જેથી કરીને તેને માથામાં અને શરીરને ગંભીર ઇજા થઈ હોવાથી તાત્કાલિક સારવાર માટે બેભાન હાલતમાં તેને રાજકોટ લઈ ગયા હતા અને ચાલુ સારવાર દરમિયાન તેનું મોત નીપજયું હતું જેથી અકસ્માત મૃત્યુના બનાવની હોસ્પિટલ મારફતે વાંકાનેર તાલુકા પોલીસને જાણ કરવામાં આવતા પોલીસે અકસ્માતના બનાવની નોંધ કરી રાબેતા મુજબની કાર્યવાહી હાથ ધરી છે