મોરબીમાં કારખાનેદારના અપહરણના ગુનામાં પકડાયેલા ચારેય આરોપી જેલ હવાલે
Morbi Today
મોરબીના ટીંબડી ગામ નજીક રસ્તો ઓળંગી રહેલી મહિલાને અજાણ્યા બાઈક ચાલકે હડફેટે લેતા સારવારમાં
SHARE
JOIN OUR GROUP
મોરબીના ટીંબડી ગામ નજીક રસ્તો ઓળંગી રહેલી મહિલાને અજાણ્યા બાઈક ચાલકે હડફેટે લેતા સારવારમાં
મોરબીના માળીયા હાઇવે ઉપર આવેલ ટીંબડી ગામના પાટીયા પાસે પગપાળા રોડ ક્રોસ કરી રહેલ મહિલાને અજાણ્યા બાઇક ચાલકે હડફેટે લીધા હતા જેથી ઇજાગ્રસ્ત મહિલાને સારવાર માટે મોરબી ખસેડાયા હતા
બનાવ સંદર્ભે મોરબી તાલુકા પોલીસમાંથી જાણવા મળતી વિગત મુજબ મોરબીના માળીયા હાઇવે ઉપર ટીંબડી ગામ નજીક પરમેશ્વર કાંટાની પાસે વાહન અકસ્માતનો બનાવ બન્યો હતો જેમાં રસ્તો ઓળંગી રહેલા હસીનાબેન આદમભાઈ ભટ્ટી (ઉમર ૪૮) રહે.નદીકાંઠા વિસ્તાર મફતપરાનગર ભાવનગર વાળીને તા.૨૪-૪ ના રાત્રિના દસેક વાગ્યે અકસ્માતમાં ઇજા પહોંચી હતી જેમાં અજાણ્યા બાઈક ચાલકે હસીનાબેન ભટ્ટીને હડફેટે લીધા હોય ડાબા હાથના ભાગે ઇજાઓ થતા તેમને અત્રેઁની મધુરમ હોસ્પિટલે સારવારમાં લઈ જવાયા હતા અને બનાવ સંદર્ભે જાણ થતા તાલુકા પોલીસ મથકના મનીષભાઈ બારૈયાએ તપાસ કરી હતી અને વધુમાં ભોગ બનનારના પતિ આદમભાઈ ભટ્ટી સાથે વાત થતા તેઓએ જણાવ્યું હતું કે તા.૨૪ ના ઈદ નિમિત્તે હસીનાબેન પોતાના દીકરીના ઘરે ઈદ દેવા માટે જતા હતા ત્યારે ટીંબડીના પાટીયા નજીક રોડ ક્રોસ કરતા સમયે અજાણ્યા બાઇકની ચાલકે તેમને હડફેટે લીધા હતા જેમાં તેમને ઇજા પહોંચતા સારવાર માટે દવાખાને ખસેડાયા હતા.
વાહન અકસ્માતમાં ઇજા
ટંકારા તાલુકાના હડમતીયા ગામના વતની ચિરાગ લવજીભાઈ દરજી (ઉમર ૨૪) અને સોનલબેન ચિરાગભાઈ દરજી (ઉમર ૨૪) ને મોરબીના રાજકોટ હાઇવે અજંતા પાસે વાહન અકસ્માતના બનાવમાં ઇજાઓ પહોંચતા બંનેને સારવાર માટે સીવીલે ખસેડવામાં આવ્યા હતા જેથી એ ડિવિઝન પોલીસને જાણ કરાતા એ ડિવિઝન પોલીસ મથકના વિપુલભાઈ ફુલતરીયાએ આ અકસ્માત બનાવ અંગે આગળની તપાસ હાથ ધરી હતીય
બાળક સારવારમાં
મોરબીના વાવડી રોડ ઉપર આવેલ ગાયત્રી સોસાયટી પાછળના ક્રિષ્નાનગર શેરી નંબર-૨ માં રહેતા જીત રાજેશભાઈ નિમ્બાર્ક નામના ૧૨ વર્ષના બાળકને સારવાર માટે ખાનગી હોસ્પિટલે ખસેડવામાં આવ્યો હતો અને બનાવની જાણ થતા એ ડિવિઝન પોલીસ મથકના વી.કે.ફુલતરીયાએ તપાસ કરતા ખુલ્યું હતું કે જીત નિમ્બાર્ક નામનો ૧૨ વર્ષનો બાળક પોતાના ઘર નજીક શેરીમાં સાયકલ લઈને જતો હતો ત્યારે અકસ્માતે તે સાયકલમાંથી નિચે પડી જતા ઈજાગ્રસ્ત થતા તેને સારવારમાં લઈ જવાયો હતો.
