મોરબીમાં કરિયાવર ઓછો લાવી છો કહીને પરિણીતાને ત્રાસ આપતા પતિ સહિત ચાર સામે ફરિયાદ
Morbi Today
મોરબીમાં નાના ભાઈના મોબાઇલમાં અજાણ્યા વ્યક્તિનો ફોન આવ્યા બાદ બહેન ગુમ !
SHARE
JOIN OUR GROUP
મોરબીમાં નાના ભાઈના મોબાઇલમાં અજાણ્યા વ્યક્તિનો ફોન આવ્યા બાદ બહેન ગુમ !
મોરબીમાં કુબેર ટોકીઝની પાછળના ભાગમાં આવેલ ડો. બાબાસાહેબ કુમાર છાત્રાલય સામે રહેતા પરિવારની દીકરી ગઈકાલે સવારે ૯ વાગ્યાથી ગુમ થઈ ગયેલ છે જેથી કરીને તેના પિતાએ બી ડિવિઝન પોલીસ સ્ટેશન ખાતે આ અંગેની લેખિત અરજી ફરિયાદ આપેલ છે જેના આધારે પોલીસે તપાસ શરૂ કરેલ છે અને પરિવારજનો દ્વારા યુવતીને શોધવા માટે જુદી જુદી દિશામાં તપાસ શરૂ કરવામાં આવી છે
જાણવા મળતી માહિતી મુજબ મોરબી શહેરના સામાકાંઠા વિસ્તારમાં કુબેર ટોકીઝની પાછળના ભાગમાં આવેલ ડો. બાબાસાહેબ કુમાર છાત્રાલય પાસે રહેતા નાડીયા ભીખાભાઈ જાદવજીભાઈએ હાલમાં બી ડિવિઝન પોલીસ સ્ટેશન ખાતે તેની દીકરી ગુમ થઈ હોવા અંગેની ગુમસુધા લેખિત અરજી ફરિયાદ આપવામાં આવેલ છે જેમાં તેણે જણાવ્યું છે કે, ગઈકાલે ૩૦ તારીખના રોજ તેઓ લગ્ન પ્રસંગમાં ઘરેથી બહાર ગયા હતા દરમિયાન તેની દીકરી ગાયત્રી અને દીકરો સમીર (૧૪) ઘરે હાજર હતા અને સવારે ૯ વાગ્યાના અરસામાં સમીરના મોબાઈલ ફોન ઉપર કોઈ અજાણ્યા માણસે ફોન કર્યો હતો અને ત્યારે ગાયત્રીએ તે ફોન ઉપર વાત કરી હતી અને વાતચીત થયા બાદ સવારે નવેક વાગ્યાથી ગાયત્રી ઘરેથી કોઈને કશું કહ્યા વગર નીકળી ગયેલ છે અને જે મોબાઇલ ફોન ઉપરથી ફોન આવ્યો હતો તેની તપાસ કરવામાં આવતા મોબાઈલ કોઈ અજય નામના વ્યક્તિનો છે અને હાલમાં તે ખોડીયારપરા લખધીરપુર રોડ મોરબી ખાતે રહેતો હોવાનું પરિવારજનોને જાણવા મળ્યું હતું જેથી કરીને ગુમ થઈ ગયેલ યુવતીના પિતા દ્વારા તેની દીકરી ગુમ થઈ છે તેને અજય ભગાડી ગયો હોવાની શંકા વ્યક્ત કરી છે અને બી ડિવિઝન પોલીસ સ્ટેશન ખાતે હાલમાં લેખિત અરજી ફરિયાદ આપેલ છે જેથી પોલીસ અને પરિવારજનો દ્વારા યુવતીને શોધવા માટે થઈને કવાયત કરવામાં આવી રહી છે
