મોરબી જીલ્લામાં વીજપોલના વળતરની આગમાં હવે ભાજપ હોમાઈ તેવો ઘાટ: પૂર્વ કેન્દ્રિય મંત્રીના ગામમાં ભાજપ પક્ષની પ્રવેશબંધી ! હિરાસર એરપોર્ટ પર આંતરરાષ્ટ્રીય અને કાર્ગો સેવા શરૂ કરવા રાજ્યસભા સાંસદ કેસરીદેવસિંહ ઝાલાની રજૂઆત ગૌરવની ક્ષણ ૮૦માસ્વાતંત્ર્ય દિને મોરબી જિલ્લા તંત્ર દ્વારા મેંગોપીપલ પરિવારનું ભવ્ય સન્માન મોરબી : મુસ્કાન વેલ્ફેર સોસાયટી દ્વારા તીજોત્સવની રંગારંગ ઉજવણી મોરબીની બી.એમ.મામુજી ૮૦ વર્ષ જૂની પેઢીનો પર્યાવરણપ્રેમ, લગભગ ૨૦ વર્ષથી પ્લાસ્ટિક ઝબલાઓનો સંપૂર્ણ ત્યાગ મોરબીમાં ભારતીય યુવા મંચ દ્વારા યુવા વક્તાઓ માટે ખાસ કાર્યક્રમ યોજાયો મોરબીમાં ભાડુઆત દંપતી સાથે માથાકૂટ કરીને ઘરધણી મહિલાને જ્ઞાતિ પ્રત્યે અપમાનિત કરતાં ગુનો નોંધાયો મોરબીના શાપર ગામ નજીક રિવર્સમાં આવેલ ડમ્પરના ચાલકે માતાની નજર સામે 2 વર્ષના માસૂમ બાળકને કચડી નાખ્યો

Breaking news

Morbi Today

મોરબી જિલ્લો ધો. ૧૨ સામાન્ય પ્રવાહના પરિણામમાં રાજયમાં ત્રીજા ક્રમે: એક પણ શાળાનું ૧૦૦ ટકા પરિણામ નહીં !

31-05-2023 10:31 AM

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા આજે ધો.૧૨ સામાન્ય પ્રવાહનું પરિણામ જાહેર કરવામાં આવ્યું છે જેમાં મોરબી જિલ્લાનો ૮૩.૩૪ ટકા પરિણામ સાથે રાજ્યામાં ત્રીજા ક્રમે આવેલ છે જો કે, ગત વર્ષની જેમાં આ વર્ષે પરિણામમાં એક પણ શાળાને ૧૦૦ ટકા પરિણામ આવ્યું નથી તેવું શિક્ષણ વિભાગના અધિકારી પાસેથી જાણવા મળેલ છે

માર્ચ ૨૦૨૩ મા ધો. ૧૨ સામાન્ય પ્રવાહની જે પરીક્ષા લેવામાં આવેલ છે તેનું આજે પરિણામ જાહેર કરવામાં આવ્યું છે. જેમાં રાજ્યનું પરિણામ ૭૩.૨૭ ટકા જાહેર કરેલ છે અને જો જિલ્લા વાઇઝ પરિણામ ઉપર નજર કરીએ તો પહેલા ક્રમે કચ્છ જિલ્લાને ૮૪.૫૯ ટકા, બીજા ક્રમે બોટાદ જિલ્લાને ૮૪.૧૨ ટકા અને ત્રીજા ક્રમે મોરબી જિલ્લને ૮૩.૩૪ ટકા પરિણામ જાહેર કર્યું છે અને મોરબી જીલ્લામાં સામાન્ય પ્રવાહમાં ૬૯૪૪ વિદ્યાર્થીઓએ પરિક્ષા આપી હતી જે પૈકી એ- વન ગ્રેડમાં ૬૧ વિદ્યાર્થીઓ, એ-ટુ ગ્રેડમાં ૫૩૫ વિદ્યાર્થીઓ, બી-૧ ગ્રેડમાં ૧૧૨૪, બી-૨ ગ્રેડમા ૧૫૨૩, સી-૧ મા ૧૫૦૩, સી-૨ માં ૯૨૫ અને ડી-ગ્રેડમાં ૧૧૬ વિદ્યાર્થીઓનો સમાવેશ થયેલ છે અને જિલ્લામા મોરબી કેન્દ્રનું ૮૦.૭૪ ટકા, હળવદ કેન્દ્રનું ૮૬.૧૪ ટકા, વાંકાનેર કેન્દ્રનું ૮૪.૮૨ અને ટંકારા કેન્દ્રનું ૮૮.૭૩ ટકા પરિણામ આવેલ છે.

ટંકારા તાલુકાનો ડંકો

ટંકારાની સરકારી અને ગ્રાન્ટેડ શાળાએ ઝળહળતું પરીણામ પ્રાપ્ત કર્યું છે જેમાં સૌથી વધુ ઓરપેટ કન્યા છાત્રાલયનુ પરિણામ આવેલ છે આજ રીતે શાળા વાઇઝ રીઝલ્ટ ઉપર નજર કરીએ તો સૌથી વધુ ઓરપેટ કન્યા છાત્રાલયનુ ૯૯.૧૭ ટકા, મહર્ષિ દયાનંદ વિવિધલક્ષી વિધાલયનુ ૮૭.૧૪ ટકા અને એમ.પી. દોશી વિધાલયનુ ૮૨.૮૫ ટકા પરિણામ મેળવ્યું છે