મોરબીમાં ડમ્પરનો જેક છટકી જતાં ટાયર નીચે દબાઈ ગયેલા યુવાનનું સારવાર દરમ્યાન મોત
SHARE
JOIN OUR GROUP
મોરબીમાં ડમ્પરનો જેક છટકી જતાં ટાયર નીચે દબાઈ ગયેલા યુવાનનું સારવાર દરમ્યાન મોત
મોરબી શહેરના સામાકાંઠા વિસ્તારમાં કુબેર ટોકીઝ પાસે આવેલ નિર્મલ જ્યોત પેટ્રોલ પંપ પાસે ડમ્પરમાં જેક ચડાવીને યુવાન નીચેના ભાગે કામ કરી રહ્યો હતો ત્યારે જેક છટકી જતા ગાડી આગળના ભાગમાં રડી હતી જેથી કરીને યુવાનનો જમણો હાથ અને ખભો ગાડીના ટાયર નીચે આવી ગયો હતો જેથી કરીને તેને તાત્કાલિક પ્રાથમિક સારવાર માટે મોરબીની ખાનગી હોસ્પિટલ ખાતે લઈને આવ્યા હતા અને ત્યાંથી વધુ સારવાર માટે રાજકોટ અને ત્યાર બાદ અમદાવાદ સિવિલ હોસ્પિટલ સુધી લઈને આવ્યા હતા ત્યાં સારવાર દરમ્યાન તેનું મોત નીપજયું છે જેથી હોસ્પિટલ મારફતે આ બનાવની મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે
બનાવની જાણવા મળતી વિગત પ્રમાણે મૂળ એમપીના બઠા ગામના રહેવાસી મહેશભાઈ સંગાભાઇ ડામોર (૨૮) ટ્રક ડ્રાઇવિંગનું કામ કરે છે અને મોરબીમાં કુબેર ટોકીઝ સામે નિર્મલ જ્યોત પેટ્રોલ પંપ પાસે ગત તા. ૩૦/૪ ના રોજ દોઢેક વાગ્યાના અરસામાં ડમ્પર ગાડીમાં નીચે જેક ચડાવીને તે કામ કરી રહ્યા હતા ત્યારે જેક છટકી જવાના કારણે વાહન આગળની સાઈડમાં રડતા મહેશભાઈ ડામોરનો જમણો હાથ અને ખભો ડમ્પરના ટાયર નીચે આવી ગયા હતા જેથી તેને ઈજા થતા પ્રથમ સારવાર માટે મોરબીમાં સામાકાંઠે આવેલ ખાનગી હોસ્પિટલમાં લઇને આવ્યા હતા અને ત્યાંથી સારવાર માટે રાજકોટ અને ત્યાંથી વધુ સારવાર માટે અમદાવાદ સુધી લઈ ગયા હતા જોકે ત્યાં સારવાર દરમિયાન તે યુવાનનું મોત નિપજ્યું હતું જેથી કરીને આ બનાવ અંગેની હોસ્પિટલ મારફતે મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરીને આગળની રાબેતા મુજબની કાર્યવાહી કરી હતી
