મોરબીમાં હથિયાર સાથે ફેસબુકમાં ફોટો મૂકનારા શખ્સની ધરપકડ, એકની શોધખોળ

મોરબીના લાતી પ્લોટ વિસ્તારમાં રહેતા શખ્સ પાસે હથિયાર પરવાનો ન હોવા છતાં પણ હથિયાર સાથેનો ફોટો તેના ફેસબુક એકાઉન્ટમાં અપલોડ કર્યો હતો જેથી કરીને ફોટો અપલોડ કરનાર તથા પરવાના વાળું હથિયાર ફોટો પાડવા માટે આપનાર સહિત બે શખ્સની સામે મોરબી સીટી એ ડિવિઝન પોલીસ સ્ટેશન ખાતે ગુનો નોંધાવામાં આવેલ છે અને તે પૈકીના એક આરોપીની પોલીસે ધરપકડ કરી છે અને બીજા આરોપીને પકડવા માટે તજવીજ ચાલી રહી છે

જાણવા મળતી વિગત પ્રમાણે મોરબી શહેરના લાતી પ્લોટ શેરી નં-૧૧ માં રહેતા અને મજૂરી કામ કરતા રફીકભાઈ જુસબભાઇ મોવર જાતે મિયાણા (૩૭)એ પોતાના ફેસબુક એકાઉન્ટ રફીક મોવર ઉપર બંદૂક સાથેનો ફોટો અપલોડ કર્યો હતો અને તેની પાસે લાઇસન્સ કે હથિયાર પરવાનો ન હોવાની માહિતી સામે આવી હતી જેથી સમાજમાં ભય ઊભો કરવા માટે થઈને હથિયાર સાથેનો ફોટો તેણે ફેસબુકમાં અપલોડ કર્યો હોય પોલીસે હાલમાં ફેસબુકમાં ફોટો અપલોડ કરનાર રફિકભાઈ જુસબભાઈ મોવરની ધરપકડ કરેલ છે અને તેને બારબોરની બંદૂક ફોટો પાડવા માટે આપનાર હથિયાર પરવાનેદાર અલીમામદ જુમાભાઇ ચાવડા રહે. જુની માર્કેટ પાછળ કબ્રસ્તાન નજીક અંજાર વાળાની સામે ગુનો નોંધીને તેને પકડવા માટે પોલીસે તજવીજ શરૂ કરી છે