મોરબીના પંચાસર રોડે કારને રિવર્સમાં લેતા સમયે બાળકીના પગ ઉપર ફેરવી દીધી
SHARE
JOIN OUR GROUP
મોરબીના પંચાસર રોડે કારને રિવર્સમાં લેતા સમયે બાળકીના પગ ઉપર ફેરવી દીધી
મોરબી શહેરના પંચાસર રોડ ઉપર આવેલ ભાભા એક્સપોર્ટ વાળી શેરીમાં કાર ચાલકે પોતાની કારને બેફિકરાયથી રિવર્સમાં લીધી હતી અને ત્યારે બાળકીને હડફેટે લઈને તેના જમણા પગના સાથળ ઉપર કારનું વ્હીલ ચડાવી દીધું હતું જેથી કરીને પગમાં ફ્રેક્ચર અને શરીરે નાના મોટી ઈજા થઈ હતી જેથી બાળકીને સારવારમાં લઈને આવ્યા હતા અને ત્યાર બાદ બાળકીના પિતા દ્વારા કાર ચાલક સામે ફરિયાદ નોંધવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરવામાં આવી છે
બનાવની જાણવા મળતી માહિતી મુજબ મોરબીના પંચાસર રોડ ઉપર ભાભા સ્કૂલ વાળી શેરીમાં રહેતા કાનજીભાઈ બાબુભાઈ સોલંકી (૪૨) એ હાલમાં કાર નંબર જીજે ૩૬ એસી ૬૦૬૬ ના ચાલક સામે એ ડિવિઝન પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યૂ છે કે, કાર ચાલકે પાછળ જોયા વગર ભાભા એક્સપોર્ટ વાળી શેરીમાં પોતાની કારને રિવર્સમાં લીધી હતી અને ત્યારે ફરિયાદીની દીકરીને હડફેટે લઈને તેના જમણા પગ ઉપર સાથળના ભાગે કારનું વ્હીલ ફેરવી દીધું હતું જેથી કરીને સંગીતા નામની બાળકીને ઈજા થઈ હોવાથી તેને સારવાર માટે હોસ્પિટલે લઈ જવામાં આવી હતી અને બાળકીએ સારવાર લીધા બાદ બાળકીના પિતા દ્વારા હાલમાં એ ડિવિઝન પોલીસ સ્ટેશન ખાતે ફરિયાદ નોંધવામાં આવતા પોલીસે કાર ચાલકની સામે ગુનો નોંધીને આરોપીને પકડવા માટે તજવીજ શરૂ કરવામાં આવેલ છે
