વાવાઝોડું મોરબી જિલ્લાને કેટલી અને કેવી અસર કરશે ? કેટલી ઝડપે પવન ફૂંકશે: કાલે ફેંસલો
Morbi Today
મોરબીના શનાળા પાસે નિતિનનગરમાંથી દારૂ ભરેલ કાર સાથે એક શખ્સ ઝડપાયો, એકની શોધખોળ
SHARE
JOIN OUR GROUP
મોરબીના શનાળા પાસે નિતિનનગરમાંથી દારૂ ભરેલ કાર સાથે એક શખ્સ ઝડપાયો, એકની શોધખોળ
મોરબી નજીકના સનાળા ગામે આવેલ નીતિન નગરમાં દારૂની બોટલો ભરેલી કાર સાથે એક શખ્સ મળી આવ્યો હતો જેથી કરીને પોલીસે દારૂ, મોબાઈલ અને ગાડી મળીને ૧,૧૨,૧૫૦ નો મુદામાલ કબજે કરેલ છે અને તેની પાસેથી બીજા શખ્સનું નામ સામે આવ્યું હોય પોલીસે તેની સામે ગુનો નોંધીને તેને પકડવા માટે તજવીજ શરૂ કરી છે
મોરબી એ ડિવિઝન પોલીસ સ્ટેશનની ટીમ મોરબીના સનાળા ગામ પાસે હતી ત્યારે બાતમી મળી હતી કે, નીતિન નગરમાં રહેતો ઘનશ્યામસિંહ જાડેજા નામનો શખ્સ તેની સેન્ટ્રો કારની અંદર દારૂ રાખીને દારૂની બોટલોનું વેચાણ કરી રહ્યો છે જેથી પોલીસે મળેલ બાતમી વાળી ગાડી નંબર જીજે ૧ કેપી ૧૩૩૮ ને નીતિનનગર પાસે ચેક કરી હતી ત્યારે તે કારમાં બેઠેલ શખ્સનું નામ ઘનશ્યામસિંહ છત્રસિંહ જાડેજા હોવાનું સામે આવ્યું હતું અને ત્યારબાદ કારને ચેક કરવામાં આવતા કારમાંથી દારૂની જુદી જુદી બ્રાન્ડની કુલ મળીને સાત બોટલો મળી આવી હતી જેથી કરીને પોલીસે ૧૧૧૫૦ ની કિંમતની દારૂની ૭ બોટલો તથા ૫૦૦૦૦ ની કાર તેમજ ૬૦ હજાર રૂપિયાની કિંમતના બે મોબાઈલ ફોન આમ કુલ મળીને ૧૧૨૧૫૦ ના મુદ્દામાલને કબજે કર્યો હતો અને સ્થળ ઉપરથી આરોપી ઘનશ્યામસિંહ છત્રસિંહ જાડેજા જાતે દરબાર (૨૭) રહે. નીતિનનગર સનાળા વાળાની ધરપકડ કરેલ છે અને તેની પાસેથી અજયસિંહ બળવંતસિંહ જાડેજા રહે. સનાળા રોડ ગુજરાત હાઉસિંગ બોર્ડ મોરબી વાળાનું નામ સામે આવ્યું હોય પોલીસે તેની સામે પણ ગુનો નોંધીને તેને પકડવા માટે તજવીજ શરૂ કરી છે
