રાજકોથી મેફેડ્રોન ડ્રગ્સનો જથ્થો લઈને મોરબી આવી રહેલ શખ્સ ટંકારા નજીક રિક્ષામાંથી ઝડપાયો

ટંકારાના નગર નાકા પાસેથી પસાર થતી રિક્ષામાં બેઠેલા શખ્સને એસઓજીની ટીમ દ્વારા બાતમીના આધારે રોકીને ચેક કરવામા આવ્યો હતો ત્યારે તેની પાસેથી મેફેડ્રોન ડ્રગ્સ મળી આવ્યું હતું જેથી પોલીસે ૧૦.૨૦ ગ્રામ ડ્રગ્સના જથ્થા સાથે તેની ધરપકડ કરેલ છે અને તેની પાસેથી કુલ મળીને ૧,૧૩,૮૧૦ ની કિંમતનો મુદામાલ કબજે કરવામાં આવેલ છે અને હાલમાં આ શક્તિ સામે ટંકારા તાલુકા પોલીસ સ્ટેશન ખાતે એનડીપીએસ એક્ટ મુજબ ગુનો નોંધીને મુદામાલ તથા આરોપી ટંકારા પોલીસને સોંપવામાં આવ્યો છે

મોરબી જિલ્લામાં ડ્રગ્સ, દારૂ અને જુગારની બદીને ડામવા માટે થઈને એસપીની સૂચના મુજબ સ્થાનિક પોલીસ તથા જુદીજુદી બ્રાન્ચ દ્વારા કામગીરી કરવામાં આવતી હોય છે ત્યારે મોરબી જિલ્લા એસઓજીની ટીમના જુવાનસિંહ ભરતસિંહને મળેલ બાતમી આધારે પીઆઇ એમ.પી. પંડ્યાની સૂચનાથી એસઓજીની ટીમ મોરબી રાજકોટ હાઇવે ઉપર આવેલ ટંકારા પાસે વોચમાં હતી ત્યારે રાજકોટ તરફથી આવતી રિક્ષા નંબર જીજે ૧ ટીબી ૩૪૪૨ ને રોકીને રિક્ષામાં બેસીને રાજકોટ તરફથી મોરબી આવી રહેલા શખ્સને ચેક કરવામાં આવ્યો હતો ત્યારે તેની પાસેથી મેફેડ્રોન ડ્રગ્સનો ૧૦.૨૦ ગ્રામ જથ્થો મળી આવ્યો હોય પોલીસે ૧,૦૨,૦૦૦ ની કિંમતનો જથ્થો તેમજ ૧૦૦૦૦ રૂપિયાની કિંમતના બે મોબાઈલ ફોન અને ૧૮૧૦ રૂપિયાની રોકડ આમ કુલ મળીને ૧,૧૩,૮૧૦ ની કિંમતનો મુદ્દામાલ કબજે કરેલ છે અને હાલમાં જીતેન્દ્રભાઈ રાજીવભાઈ પ્રજાપતિ જાતે કુંભાર રહે. હાલ લક્ષ્મીનારાયણ એપાર્ટમેન્ટ બ્લોક નંબર ૫૦૪ ત્રાજપર મોરબી મૂળ રહે વિવેકાનંદ નગર હાથીજણ સેક્ટર-૪, કે- ૫૪ અમદાવાદ વાળાની ધરપકડ કરેલ છે અને તેની પાસે રાજકોટમાં રહેતા રવિન્દ્ર ઉર્ફે આશિષભાઈ જીતેન્દ્રભાઈ રાવલનું નામ સામે આવ્યું હોય પોલીસે તેની સામે ગુનો નોંધીને તેને પકડવા માટે તજવીજ શરૂ કરેલ છે