મોરબીના જેતપર પાસે નદીમાંથી રેતીનું ગેરકાયદે ખનન: ૩૮.૨૪ લાખની ખનીજ ચોરીનો ગુનો નોંધાયો

મોરબી તાલુકાના જેતપર ગામ પાસેથી પસાર થતી ઘોડાધ્રોઈ નદીના પટમાંથી રેતી ચોરી કરવામાં આવી છે અને કુલ મળીને ૧૧,૩૦૦.૨૮ મેટ્રિક ટન સાદી રેતીની ચોરી કરવામાં આવેલ છે જેથી કરીને રેતી ચોરી તેમજ દંડની રકમ અને મશીનરી સહિત ફૂલ મળીને ૩૮.૨૪ લાખ રૂપિયાની ખનીજ ચોરીની હાલમાં ખાણ ખનીજ વિભાગના અધિકારી દ્વારા મોરબી તાલુકા પોલીસ સ્ટેશન ખાતે એક શખ્સની સામે ફરિયાદ નોંધાવવામાં આવેલ છે જેથી કરીને પોલીસે ગુનો નોંધીને આગળની રાબેતા મુજબની કાર્યવાહી હાથ ધરી છે

જાણવા મળતી વિગત પ્રમાણે મોરબી શહેરના વિસ્તારમાં જિલ્લા સેવા સદન ખાતે આવેલ ભૂસ્તરશાસ્ત્રીની કચેરીના માઈન્સ સુપરવાઇઝર મિતેશભાઈ રામભાઈ ગોજીયા (૨૯)એ હાલમાં મોરબી તાલુકા પોલીસ સ્ટેશન ખાતે જયેશભાઈ પોપટભાઈ પાનસુરીયા રહે અમરગઢ જિલ્લો રાજકોટ વાળાની સામે ખનીજ ચોરીની ફરિયાદ નોંધાવે છે જેમાં તેને જણાવ્યું છે કે મોરબી તાલુકાના જેતપર ગામ પાસેથી પસાર થતી ઘોડાધ્રોઈ નદીના પટમાંથી આરોપીએ સાદી રેતી ૧૧,૩૦૦.૨૮ મેટ્રિક ટન બિનઅધિકૃત રીતે ઉપાડી લીધેલ છે જેથી કરીને પ્રતિ ટનના ૨૪૦ રૂપિયા લેખે ૨૭,૧૨,૦૬૮ તેમજ બે લાખ રૂપિયાની કિંમતનું મશીન અને પર્યાવરણને નુકસાનીની વળતર માટે તેને સાદી રેતીના પ્રતિ ટનના ૨૪૦ રૂપિયાના ૪૧ ટકા લેખે ૧૧,૧૧,૯૪૮ રૂપિયા આમ કુલ મળીને ૩૮,૨૪,૦૧૬ રૂપિયાની કિંમતની ખનીજ ચોરી કરેલી છે તે પ્રકારની ફરિયાદ નોંધાવવામાં આવી છે જેથી કરીને પોલીસે આઇ.પી.સી. કલમ-૩૭૯ તથા ધ માઇન્સ એન્ડ મીનરલ્સ (રેગ્યુલેશન એન્ડ ડેવલોપમેન્ટ) એકટ-૧૯૫૭ ની કલમ ૪(૧), ૪(૧)(એ), ૨૧(૧) (૨) (૩) (૪) (૫) (૬) તથા ગુજરાત મિનરલ્‍સ (પ્રિવેન્‍શન ઓફ ઇલ્‍લીગલ માઇનીંગ, ટ્રાન્‍સપોર્ટેશન એન્‍ડ સ્‍ટોરેજ) રૂલ્‍સ-૨૦૧૭ના તથા જી.એમ.એમ.સી.આર- ૨૦૧૭ ના નિયમો મુજબ ગુનો નોંધીને આરોપીને પકડવા માટે તજવીજ શરૂ કરેલ છે