મોરબીના ગાળા ગામ પાસે દુકાનમાં બાટલા ફાટવાની ઘટનામાં એક વ્યક્તિનું મોત: એફએસએલની તપાસ શરૂ

મોરબીના માળિયા હાઇવે ઉપર આવેલ ગાળા અને ગુંગણ ગામના પાટીયા નજીક આવેલ કૈલાશ ચેમ્બર નામના શોપિંગ સેન્ટરમાં દુકાનમાં આગ લાગી હતી અને ત્યારે આગ લાગવાના બનાવના પગલે દુકાનમાં રહેલ માલ સામાનની સાથે ત્યાં પડેલા ગેસના બાટલા પણ ધડાધડ બ્લાસ્ટ થાય હતા ત્યારે રસ્તા ઉપરથી પસાર થતાં યુવાનને બાટલો લાગતા ઈજાઓ થવાથી તેનું મોત નીપજયું હતું તેમજ આસપાસની પાછળ દુકાનો આગમાં ભસ્મીભૂત થઈ ગઈ હતી તથા સામે પડેલા બે મોટર સાયકલ પણ બળીને ખાખ થઈ ગયેલ છે ત્યારે હવે આ બનાવમાં એફએસએલની ટિમ દ્વારા તપાસ શરૂ કરવામાં આવી છે

મોરબી તાલુકા પોલીસ સુત્રોમાંથી મળતી માહિતી પ્રમાણે મોરબીના ગાળા અને ગુંગણ ગામના પાટીયા પાસે આવેલ કૈલાસ ચેમ્બર નામના શોપિંગ સેન્ટરમાં કાવ્યા હાર્ડવેર નામની દુકાનમાં કોઈ કારણોસર આગ લાગી હતી જેથી તેમાં રહેલ પ્લાસ્ટિકની ઘર વપરાશની વસ્તુઓનો જથ્થો તથા બાજુમાં આવેલ કાવ્ય ઈલેક્ટ્રિક નામની દુકાનમાં આગ લાગી હતી તેમજ હાર્ડવેર અને ઇલેક્ટ્રીકની દુકાનના ગોડાઉનમાં પણ આગ લાગતા ત્યાં પડેલા ગેસના બાટલાઑ બ્લાસ્ટ થાય હતા અને તે સમયે ત્યાંથી પસાર થઈ રહેલા સલમાનખાન ચાંદબાબુખાન (૧૭) રહે. સિરામિક સિટી લાલપર તાલુકો જીલ્લો મોરબી વાળાને ગેસનો બાટલો ફાટીને વાગ્યો હતો જેથી તેનું ઘટના સ્થળે મોત નીપજયું હતું અને તેની ડેડબોડીને પોસ્ટમોર્ટમ માટે અત્રે સિવિલ હોસ્પિટલ ખસેડવામાં આવી હતી આ બનાવ અંગે તાલુકા પોલીસને જાણ કરાતા હાલ તાલુકા પોલીસ મથકના જે.બી. પરમાર આ અંગે આગળની તપાસ ચલાવી રહ્યા છે ઉપરોક્ત બનાવ સંદર્ભે મોરબી તાલુકા પોલીસ મથક ખાતે જયરાજ ઉગાભાઇ ડાંગર જાતે આહિર (૨૩) રહે. મયુરનગર તાલુકો હળવદ વાળાએ આવીને જાહેરાત કરી હતી કે, કૈલાશ ચેમ્બર કાવ્ય હાર્ડવેર નામની દુકાનમાં કોઈ કારણોસર આગ લાગતા કાવ્ય હાર્ડવેર બાજુમાં આવેલ કાવ્ય ઈલેક્ટ્રીક તથા તેમના ગોડાઉનમાં રહેલ ગેસના બાટલા ફાટવાથી સંપૂર્ણપણે પાંચ છ દુકાનો આગમાં ભસ્મિભૂત થઈ ગઈ હતી અને ચેમ્બરની સામે આવેલ બે મોટર સાયકલ પણ આગની જપેટમાં આવી જતા તેમાં નુકસાની પહોંચેલ છે હાલ એફએસએલમાં જાણ કરીને તાલુકા પોલીસના જે.બી. પરમાર દ્વારા આગળની તપાસ હાથ ધરવામાં આવી છે