મોરબી જિલ્લાના પાંચ પૈકીનાં ચાર તાલુકામાં પોણા બે થી લઈને સવા બે ઇંચ જેટલો વરસાદ

મોરબી જિલ્લાના પાંચ પૈકીના ચાર તાલુકામાં સરેરાશ પોણા બે ઇંચ થી લઈને સવા બે ઇંચ જેટલો વરસાદ નોંધાયો છે ત્યારે જો મોરબી શહેરની વાત કરીએ તો મોરબીના સનાળા રોડ હાઉસિંગ બોર્ડ સહિતના જુદા જુદા વિસ્તારોમાં વરસાદી પાણી ભરાઈ ગયા છે જેથી કરીને લોકોને પારાવાર મુશ્કેલીમાં સામનો કરવો પડી રહ્યો છે

રાજ્યના હવામાન વિભાગ દ્વારા સૌરાષ્ટ્ર કચ્છ સહિત સમગ્ર ગુજરાતમાં વરસાદ પડશે તે પ્રકારની આગાહી કરવામાં આવી હતી અને જો વાત કરીએ તો મોરબી જિલ્લામાં છેલ્લી 24 કલાકની અંદર પોણા બે ઇંચ થી લઈને સવા બે ઇંચ જેટલો વરસાદ નોંધાયો છે માટે જે ખેડૂતોએ આગોતરા વાવેતર કર્યા છે તેમને તો હાલમાં આ કાચું સોનું વરસતુ હોય તે પ્રકારે તેના હૈયે હરખ જોવા મળે છે પરંતુ જો બીજી બાજુ શહેરી વિસ્તારની વાત કરીએ તો મોરબી શહેરની અંદર સનાળા રોડ ઉપર આવેલ હાઉસિંગ બોર્ડ, સનાળા રોડ, રવાપર રોડ, મહેન્દ્રપરા, માધાપરા સહિતના અનેક વિસ્તારો કે જ્યાં દર વખતે વરસાદના ચાર છાંટા પડતાની સાથે વરસાદી પાણી ભરાઈ જાય છે જેથી કરીને લોકોને હાલાકી નો સામનો કરવો પડતો હોય છે તેવી જ રીતે હાલમાં પણ વરસાદી પાણી ભરાઈ ગયું હોવાથી લોકો પારાવાર મુશ્કેલીનો સામનો કરી રહ્યા છે