મોરબીના ગોર ખીજડીયા ગામે ઘરમાંથી મોબાઇલની ચોરી

મોરબીના નવલખી રોડ ઉપર આવેલ ગોર ખીજડીયા ગામે ઘર પાસે બેઠેલ મહિલાના મોબાઈલ ફોનની ચોરી થયેલ છે જેથી કરીને ભોગ બનેલ મહિલાના ભાઈએ હાલમાં મોરબી તાલુકા પોલીસ સ્ટેશન ખાતે ચોરીની ફરિયાદ નોંધાવી છે તેના આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.

બનાવી જાણવા મળતી માહિતી મુજબ મોરબીના વાવડી રોડ ઉપર આવેલ ગણેશનગરમાં રહેતા અશ્વિનભાઈ અમરશીભાઈ ડાભી જાતે દલવાડી (૨૧)એ હાલમાં મોરબી તાલુકા પોલીસ સ્ટેશન ખાતે ચોરીની ફરિયાદ નોંધાવી છે જેમાં તેને જણાવ્યુ છે કે, તેઓના બહેન ગોર ખીજડીયા ગામે પોતાના ઘર પાસે બેઠા હતા ત્યારે તેનો ઓપો કંપનીનો ૯૯૯૦ ની કિંમતનો મોબાઇલ ફોન કોઈ અજાણ્યા શખ્સ દ્વારા ચોરી કરવામાં આવેલ છે જેથી આ બનાવ અંગેની યુવાને ફરિયાદ નોંધાવતા પોલીસે ચોરીનો ગુનો નોંધીને આરોપીને પકડવા માટે તજવીજ શરૂ કરેલ છે.

જુગાર

વાંકાનેરના નવાપરા સામે સર્વિસ રોડ ઉપર વરલી જુગારના આંકડા લેવામાં આવતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી વરલી જુગારના આંકડા લેતા હનીફભાઈ યાકુબભાઈ ભટ્ટી જાતે મિયાણા (૪૩) રહે. સુઝુકી શોરૂમની પાછળ વાંકાનેર તથા જાવીદભાઈ અબ્દુલકરીમભાઈ કેડા જાતે સંધિ (૩૪) રહે. નવાપરા પંચાસર રોડ વાંકાનેર વાળા વરલી જુગારના આંકડા લેતા મળી આવ્યા હતા જેથી પોલીસે તેની પાસેથી સાહિત્ય અને ૧૦૨૦૦ રૂપિયા રોકડા કબજે કર્યા હતા અને તેની સામે જુગારધારા હેઠળ વાંકાનેર સિટી પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરવામાં આવી હતી.

જુગાર

મોરબીના વિસીપરા વિસ્તારમાં અમરેલી રોડ ઉપર આવેલ ભવાનીનગર પાછળ ઈંટોના ભટ્ટા પાસે જુગાર રમતા હોવાની હકીકત મળી હતી જેના આધારે પોલીસી ટીમ દ્વારા ત્યાં જુગારની રેડ કરવામાં આવી હતી ત્યારે જુગાર રમતા ચંદુભાઈ બચુભાઈ અગેચાણીયા (૪૮) રહે. વીસીપરા અમરેલી રોડ ભવાનીનગર મોરબી વાળાની ૮૦૦ ની રોકડ સાથે ધરપકડ કરીને જુગારધારા હેઠળ ગુનો નોંધી આગળની કાર્યવાહી હાથ ધરી છે.