મોરબી: કરિયાવર વધુ લાવવા દબાણ કરતાં પતિ સહિતના પાંચ સામે ગુનો નોંધાયો
SHARE
JOIN OUR GROUP
મોરબી: કરિયાવર વધુ લાવવા દબાણ કરતાં પતિ સહિતના પાંચ સામે ગુનો નોંધાયો
મોરબીમાં ભવાની ચોક મસ્જિદ પાસે હાલમાં રહેતી મહિલાએ તેના પતિ સહિતના સાસરિયાઓ સામે ખોટા બહાના કાઢીને કરિયાવર વધુ લઈ આવવા માટે દબાણ કરતા હોવાની ફરિયાદ નોંધાવી છે જેના આધારે મોરબી મહિલા પોલીસ સ્ટેશન ખાતે ગુનો નોંધીને પોલીસે પતિ સહિતના પાંચ આરોપીઓને પકડવા માટે તજવીજ શરૂ કરેલ છે
જાણવા મળતી માહિતી પ્રમાણે હાલમાં મોરબી શહેરમાં આવેલ ભવાની ચોક પાસે મદીના મસ્જિદ નજીક રહેતા રૂકૈયાબેન આરીફભાઇ સલીમભાઇ ચાનીયા જાતે મુસ્લીમ (૩૦) એ મોરબી મહિલા પોલીસ સ્ટેશન ખાતે તેના પતિ આરીફભાઇ સલીમભાઈ ચાનીયા, સસરા સલીમભાઈ ચાનીયા, સાસુ સકીનાબેન ચાનિયા, નણંદ નફીસાબેન ચાનિયા અને ફિરદોષબેન ચાનીયાની સામે ફરિયાદ નોંધાવી છે જેમાં જણાવ્યું છે કે, આરોપીઓ તેને ઘરકામ બાબતે મેણાં ટોણાં મારતા હતા તેમજ ખોટા બહાના કાઢીને ગાળો આપીને કરિયાવર વધુ લાવવા માટે દબાણ કરતા હતા અને શારીરિક માનસિક ત્રાસ આપતા હતા જેથી પરણીતાએ નોંધાવેલ ફરિયાદ આધારે પોલીસે ગુનો નોંધી મહિલાના પતિ સહિત પાંચ વ્યક્તિઓની સામે ગુનો નોંધીને આરોપીઓને પકડવા માટે થઈને તજવીજ શરૂ કરેલ છે
