મોરબી શહેરમાં જુગારની જુદીજુદી ચાર રેડ: નવ મહિલા સહિત કુલ ૨૨ જુગારી પકડાયા

મોરબી શહેરના જુદાજુદા સ્થળે જુગારની ચાર રેડ કરવામાં આવી હતી ત્યારે નવા મહિલા સહિત કુલ મળીને ૨૨ જુગારીઓ જુગાર રમતા મળી આવ્યા હતા જેથી કરીને પોલીસે તેની સાથે રોકડ રકમ કબજે કરીને મોરબી એ અને બી ડિવિઝન પોલીસ સ્ટેશન ખાતે જુદાજુદા ચાર ગુના નોંધીને આગળની કાર્યવાહી કરેલ છે

મોરબીના નવલખી રોડ ઉપર આવેલ ન્યુ રેલવે કોલોની મફતીયા પરામાં રહેતા હીનાબેન ભરતભાઈ સિંધવના ઘરની અંદર જુગાર રમતા હોવાની એ ડિવિઝન પોલીસને હકીકત મળી હતી જેના આધારે સ્થાનિક પોલીસ દ્વારા ત્યાં જુગારની રેડ કરવામાં આવી હતી ત્યારે ઘરધણી હીનાબેન ભરતભાઈ સિંધવ (૩૮), શૈલેષભાઈ વશરામભાઈ ઇન્દરિયા (૩૬), ઉષાબેન દિનેશભાઈ પાટડીયા (૩૦) છાયાબેન દિલીપભાઈ કુંઢીયા (૨૬), શિલ્પાબેન રણજીતભાઈ ઇન્દરિયા (૨૪), શાહરૂખભાઇ રફિકભાઈ પઠાણ (૨૭), સાગરભાઇ રાજુભાઈ માલકીયા (૨૧), મહેશભાઈ સામતભાઈ વિજવાડીયા (૪૩) લાભુબેન રમેશભાઈ ઇન્દરિયા (૫૧) ડિમ્પલબેન વાસુદેવભાઈ પરમાર (૨૭), જસ્મીનબેન મોમીનખાન પઠાણ (૩૪), જુબેદાબેન હાજીભાઈ ખોખર (૭૦) અને શેરબાનુબેન રફિકભાઈ પઠાણ (૪૫) રહે. બધા નવલખી રોડ મફતીયાપરા અને ન્યુ રેલવે કોલોની વાળાની પોલીસે ૩૪૬૫૦ ની રોકડ સાથે ધરપકડ કરેલ છે

તો મોરબીના લાભનગરના ઝાંપા પાસે મંદિરની નજીક જાહેરમાં જુગાર રમતા હોવાની બી ડિવિઝન પોલીસને હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી દિનેશભાઈ અમરશીભાઈ સાલાણી (૪૨), નરેશભાઈ મગનભાઈ સાલાણી (૩૦) અને ભરતભાઈ શામજીભાઈ થરેસા (૨૭) રહે ત્રણે લાભનગર મફતીયાપરા વાળા જુગાર રમતા મળી આવ્યા હોય પોલીસે ૧૪૬૦ ની રોકડ કબજે કરી જુગારધારા હેઠળ ગુનો નોધી આગળની કાર્યવાહી હાથ ધરેલ છે

તેવી જ રીતે લાભનગરની પાછળના ભાગમાં આવેલ મફતીયાપરા વિસ્તારમાં જુગારની રેડ કરવામાં આવી હતી ત્યારે ત્યાં સ્થળ ઉપરથી રવજીભાઈ જેરામભાઈ સાલાણી (૪૭), રામજીભાઈ જેરામભાઈ સાલાણી (૪૫) અને દિનેશભાઈ બીજલભાઇ ગજીયા (૫૫) રહે. મોરબી વાળા જુગાર રમતા મળી આવ્યા હોય પોલીસે ૩૧૩૦ ની રોકડ કબજે કરી જુગારધારા હેઠળ ગુનો નોંધી આગળની કાર્યવાહી હાથ ધરી છે

મોરબી શહેરના માધાપરના ઝાપા પાસે જાહેરમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી આસિફભાઇ હાજીભાઈ જીંગીયા (૨૮), તયબભાઈ ઈસ્માઈલભાઈ કુરેશી (૬૫) અને રઘુભા મૂળુભા રાઠોડ (૬૦) રહે. બધા મોરબી વાળા જુગાર રમતા મળી આવ્યા હોય પોલીસે તેની પાસેથી ૩૮૦૦ ની રોકડ કબજે કરી હતી અને એ ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે