મોરબીના લાલપર ગામે નવોઢાએ ફિનાઇલ પી લેતા સારવારમાં
SHARE
JOIN OUR GROUP
મોરબીના લાલપર ગામે નવોઢાએ ફિનાઇલ પી લેતા સારવારમાં
મોરબી-વાંકાનેર હાઇવે ઉપર આવેલ લાલપર ગામ પાસેના શ્રીજી ગોલ્ડ નામના સિરામીક યુનિટના લેબર કવાટરમાં રહીને ત્યાં જ મજુરી કામ કરતા પુનીતાબેન ચારલેક્ષભાઈ ઉડેપાગ નામની ૨૦ વર્ષીય પરપ્રાંતિય નવપરિણીતાએ તેના કવાટરમાં ફિનાઇલ પી લેતા તેને સારવાર માટે સિવિલે ખસેડવામાં આવી હતી.બનાવની જાણ થતાં મોરબી તાલુકા પોલીસ મથકના એએસઆઇ જીજ્ઞાશાબેન કણસાગરાએ તપાસ હાથ ધરી છે.વધુમાં મળતી માહિતી મુજબ પુનીતાબેનનો લગ્નગાળો એક વર્ષનો જ હોય બનાવની નોંધ કરીને કારણ અંગે આગળની તપાસ હાથ ધરવામાં આવી છે.જ્યારે વાંકાનેર તાલુકાના ભીમગુડા ગામે રહેતા સંગીતાબેન ગોરધનભાઈ રાંતોજા નામની અઢાર વર્ષીય યુવતી ગઇકાલે બપોરના બે વાગ્યાના અરસામાં કપાસમાં દવાનો છંટકાવ કરતી હતી ત્યારે તેણીને ઝેરી અસર થતાં સંગીતાબેનને સારવાર માટે અત્રેની આયુષ હોસ્પિટલ ખાતે લાવવામાં આવી હતી બનાવ અંગે મોરબી એ ડીવીઝન પોલીસ મથકના વી.પી.છાસીયાએ પ્રાથમિક તપાસ કરીને બનાવ અંગે વાંકાનેર તાલુકા પોલીસને જાણ કરી હતી.
વાહન અકસ્માતમાં ઈજા
મોરબી નજીકના નાની વાવડી ગામે રહેતા શૈલેષભાઈ રમણીકભાઈ રાવલ નામનો ૪૨ વર્ષીય યુવાન બાઈક લઈને જતો હતો ત્યારે વાંકાનેર તાલુકામાં આવતા નાના-મોટા જડેશ્વર વચ્ચે બાઈક સાથે બાઈક અથડાતા સર્જાયેલા વાહન અકસ્માતના બનાવમાં ઇજાગ્રત થયેલા શૈલેષભાઈ રાવલને અહીંની ક્રિષ્ના હોસ્પિટલ ખાતે સારવારમાં ખસેડાયા હતા.જેથી બનાવ અંગે એ ડિવિઝન પોલીસ મથકના વી.પી.છાસીયાએ પ્રાથમિક તપાસ કરીને બનાવ અંગે વાંકાનેર તાલુકા પોલીસને જાણ કરી હતી. જ્યારે મોરબીના સામાકાંઠે વોરાબાગની સામે આવેલ લક્ષ્મીનારાયણ સોસાયટીમાં સાંઇસ્મિત એપાર્ટમેન્ટમાં રહેતા વિપુલભાઈ પાટીલની ચાર વર્ષીય પુત્રી કાવ્યા તેના કાકાના સાથે બાઈકમાં બેસીને જતી હતી ત્યારે બાઇક સ્લીપ થઇ જતા ઇજાગ્રસ્ત થયેલ કાવ્યા વિપુલભાઇ પાટીલ (ઉમર ૪) ને સારવારમાં ખસેડાઇ હતી.
