મોરબી-૨ ખાતે લાલબાગ સરકારી ક્વાર્ટરમા રહેતા મહિલા ફોરેસ્ટ ઓફિસર અધિકારી સોનલબેન શીલુ જાતે બ્રાહ્મણ (ઉંમર વર્ષ ૩૬) એ મોરબી તાલુકા પોલીસ સ્ટેશનમા જયેશ ગગુભાઈ મિયાત્રા આહીર તથા વસંતભાઈ નારણભાઇ રાઠોડ આહીર બને રહે.જુના નાગડાવાસ વાળાઓ સામે ફરિયાદ નોંધાવેલ જેથી પોલીસે ગુનો રજીસ્ટર કરીને ભારતીય ફોજદારી ધારાની કલમ ૩૩૨ ક(રાજ્ય સેવકને પોતાની ફરજ બજાવતા રોકવા માટે સ્વેકછા પૂર્વક વ્યથા કરવી), કલમ ૩૨૩ સ્વેકછાપૂર્વક વ્યથા કરવી  તથા કલમ ૫૦૪ સુલેહ શાંતિનો ભંગ કરવા ઉશ્કેરવા માટે ઈરાદાપૂર્વક અપમાન કરવું તથા કલમ ૧૧૪ મુજબ ગુન્હો નોંધ્યો હતો.ત્યારે દુષ્પ્રેરકની હાજરી વિગેરે મુજબ કલમો લગાવીને બંને આરોપી જયેશ આહીર તથા વસંત આહીરની મોરબી તાલુકા પોલીસ દ્વારા આ ગુનાહના કામે ધરપકડ કરેલી અને તા.૧૭-૯-૨૩ ના રવિવારના રોજ મોરબીના મહે.અડી.ચીફ જ્યુડિશીયલ મેજિસ્ટ્રેટ ચંદનાનીના નિવાસ સ્થાને તેઓ સમક્ષ રજુ કરતા આ કામના બંને આરોપી ઓ જયેશ આહીર અને વસંત આહીર તરફે વિદ્વાન ધારાશાસ્ત્રી ગુજરાત હાઇકોર્ટ પી.ડી.માનસેતા દ્વારા જામીન અરજી રજુ કરી ને ધારદાર કાયદાકીય દલીલ કરતા જે દલીલ મેજી. સાહેબે માન્ય રાખીને બંને આરોપીઓને રૂપિયા વીસ-વીસ હજારના શરતી જામીન ઉપર છોડવાનો હુકમ ફરમાવેલ અને બંને આરોપીઓની સામે સુલેહ શાંતિના ભંગ બદલ મોરબી મામલતદાર સમક્ષ ચેપ્ટર કેસો કરી રજુ કરવામાં આવેલ અને ત્યાં પણ બંને આરોપીના વકીલ પી.ડી.માનસેતા દ્વારા કાયદાકીય દલીલ કરેલ અને બંને આરોપીઓને જામીન ઉપર છોડી મુકવાનો હુકમ મામલતદારએ ફરમાવેલ છે.આ ગુનાહના કામે બંને આરોપીઓ જયેશ ગગુભાઈ મિયાત્રા આહીર અને વસંત રાણાભાઇ રાઠોડ આહીર બંને રહે.જુના નાગડાવાસ તા.જી. મોરબી વાળાઓ તરફે વિદ્વાન ધારાશસ્ત્રી ગુજરાત હાઇકોર્ટ પી.ડી.માનસેતા રોકાયેલ હતા.