વધુ બે વિકેટ પડી: માળીયા (મી) તાલુકાના તરઘરી-સરવડ ગામના સરપંચને ડીડીઓએ કર્યા સસ્પેન્ડ

માળીયા મિયાણા તાલુકાના જુદાજુદા બે ગામના સરપંચોને ડીડીઓ દ્વારા સસ્પેન્ડ કરવામાં આવેલ છે જેમાં તરઘરી ગામના સરપંચને હથિયાર ધારા તથા સરવડ ગ્રામ પંચાયતના સરપંચને મારામારીના ગુનામાં સંડોવણી સામે આવી હતી જેથી કરીને ગુજરાત પંચાયત અધિનિયમ હેઠળ તે બંને સરપંચોને હોદ્દા પરથી સસ્પેન્ડ કરાયા છે.

મોરબી જિલ્લાના ડીડીઓ દિગ્વિજયસિંહ જાડેજા દ્વારા માળીયા તાલુકાનાં જુદાજુદા બે ગામના સરપંચોને સસ્પેન્ડ કરવામાં આવેલ છે જેમાં માળીયા તાલુકાના તરઘરી ગામના સરપંચ સાગર અંબારામભાઈ ફૂલતરીયાની સામે મોરબી સીટી એ ડીવીઝન પોલીસ સ્ટેશન ખાતે મારામારી, એમ.વી.એક્ટ અને આર્મ્સ એક્ટ હેઠળ ફરિયાદ નોંધાઈ હતી તે માટે તેને સસ્પેન્ડ કરેલ છે આવી જ રીતે સરવડ ગામના સરપંચ નવનીતભાઈ શાંતિલાલ સરડવા સામે માળીયા(મી.) પોલીસ સ્ટેશન ખાતે મારામારી અને જી.પી. એક્ટ હેઠળ ફરિયાદ નોંધાઈ હતી જેથી તે બન્ને સરપંચોને ડીડીઓ દિગ્વિજયસિંહ ડી.જાડેજા દ્વારા ગુજરાત પંચાયત અધિનિયમ-૧૯૯૩ ની કલમ-૫૯(૧) હેઠળ સસ્પેન્ડ કરવામાં આવેલ છે