હળવદ: પ્રેમલગ્ન કરનાર યુવાનના પિતાને યુવતીની માતા સહિત ચાર વ્યક્તિએ માર મારીને પગ ભાંગી નાખ્યા
Morbi Today
મોરબી નજીક હરિઓમ પાર્કની પાછળથી ૮૪ બોટલ દારૂ સાથે એક શખ્સ પકડાયો
SHARE
JOIN OUR GROUP
મોરબી નજીક હરિઓમ પાર્કની પાછળથી ૮૪ બોટલ દારૂ સાથે એક શખ્સ પકડાયો
મોરબી હળવદ હાઇવે ઉપર આવેલ ઘૂટું ગામની સીમમાં આવેલ હરિઓમ પાર્કની પાછળના ભાગમાં બાવળની જાળીમાં દારૂનો જથ્થો હોવાની ચોક્કસ હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી ૮૪ બોટલ દારૂ મળી આવતા પોલીસે ૩૧,૫૦૦ ના મુદ્દામાલ સાથે એક ધરપકડ કરેલ છે અને મોરબી તાલુકા પોલીસ સ્ટેશન ખાતે ગુનો નોંધી આગળની રાબેતા મુજબની કાર્યવાહી હાથ ધરી છે
બનાવી જાણવા મળતી માહિતી પ્રમાણે મોરબી તાલુકા પોલીસ સ્ટેશનની ટીમ મોરબી હળવદ હાઇવે ઉપર આવેલ ઘુટુ ગામ પાસે પેટ્રોલિંગમાં હતી ત્યારે હરિઓમ પાર્કની પાછળના ભાગમાં બાવળની જાળીમાં દારૂનો જથ્થો હોવાની ચોક્કસ હકીકત મળી હતી તેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની ૮૪ બોટલો મળી આવ્યા હોય પોલીસે ૩૧,૫૦૦ ની કિંમતનો દારૂનો જથ્થો કબજે કર્યો હતો અને આરોપી ચિરાગ સંજયભાઈ જાદવ જાતે કુંભાર (૨૪) રહે. કિસ્મત ચક્કી વાળી શેરી રણછોડનગર નવલખી રોડ મોરબી વાળાની ધરપકડ કરેલ છે અને તેની પાસેથી મળી આવેલ દારૂની બોટલો તે ક્યાંથી લાવ્યો હતો તે દિશામાં મોરબી તાલુકા પોલીસ દ્વારા આગળની તપાસ શરૂ કરવામાં આવેલ છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના પી.એસ.આઇ. વી.જી. જેઠવા ચલાવી રહ્યા છે
અકસ્માતમાં ઇજા
મોરબી નજીકના હરીપર ગામે રહેતો અવિકુમાર જયંતીલાલ દેત્રોજા (૧૪) નામનો તરુણ મોરબીના વાવડી રોડ ઉપર જેકે ચોક પાસે હતો ત્યારે ત્યાં વાહન અકસ્માતનો બનાવ બન્યો હતો અને તેમાં તેને ઈજા થઈ હતી જેથી ઇજાગ્રસ્તને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપીને આ બનાવની હોસ્પિટલ મારફતે મોરબી સીટી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી છે અને આ બનાવની વધુ તપાસ હરેશભાઈ ચાવડા ચલાવી રહ્યા છે
