હળવદમાં રિસામાણે બેઠેલ પત્નીને તેડી લાવવા પતિને સમજાવા ગયેલા આગેવાનો ઉપર છરી વડે હુમલો

હળવદમાં બસ સ્ટેશનની પાછળના ભાગમાં રહેતા યુવાનની પત્ની રિસામણે હોય સમાજના આગેવાનો તેને પત્નીને તેડી લાવવા માટે સમજાવવા માટે ગયા હતા જે તેને સારું નહીં લાગતા તે બાબતનો ખાર રાખીને આગેવાનોને ગાળો આપી હતી ત્યારે ગાળો બોલવાની ના પાડતા તે શખ્સ ઉશ્કેરાઈ ગયો હતો અને તેણે પોતાના છકડો રિક્ષામાંથી છરી લઈ આવીને ફરિયાદીને જમણા હાથની આંગળીમાં ઈજા કરી હતી તથા તેની સાથે રહેલા વ્યક્તિ વચ્ચે પડતાં તેને ડાબા પગના સથાળમાં છરી મારીને ઇજા કરી હતી જેથી ઈજા પામેલ વ્યક્તિએ સારવાર લીધા બાદ હાલમાં એક શખ્સની સામે હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

બનાવની જાણવા મળતી માહિતી મુજબ હળવદમાં બસ સ્ટેન્ડની પાછળના ભાગમાં રહેતા અને મજૂરી કામ કરતા સાગરભાઇ સવજીભાઈ રાઠોડ જાતે મલ્લ (૨૭)એ કાળુભાઈ મંગાભાઈ મલ્લ રહે. બસ સ્ટેશન પાછળ હળવદ વાળાની સામે ફરિયાદ નોંધાવી છે જેમાં તેને જણાવ્યું છે કે, આરોપી કાળુભાઈના પત્ની રિસામણે હોય સમાજના આગેવાનો તેને પોતાની પત્ની તેડી લાવવા સમજાવવા માટે ગયેલ હતા જે કાળુભાઈને સારું નહીં લાગતા તે બાબતનો ખાર રાખીને જાહેરમાં ગાળો આપી હતી જેથી ફરિયાદીએ ગાળો આપવાની ના પાડતા આરોપીએ પોતાના છકડો રિક્ષામાંથી છરી લઈ આવીને ફરિયાદી યુવાનને ટચલી આંગળીમાં છરી મારીને ઇજા કરી હતી તેમજ જયંતીભાઈ ફરિયાદીને બચાવવા માટે થઈને વચ્ચે પડતા તેને ડાબા પગના સાંકળમાં છરીનો ઘા મારીને ઇજા કરેલ છે જેથી કરીને હાલમાં ભોગ બનેલા યુવાને સારવાર લીધા બાદ હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે