મોરબીમાં વેપારીની જાણ બહાર દુકાનમાંથી ૯.૫૮ લાખની તમાકુની ચોરી કરીને વેચી નાખનારા આરોપીની ધરપકડ
SHARE
JOIN OUR GROUP
મોરબીમાં વેપારીની જાણ બહાર દુકાનમાંથી ૯.૫૮ લાખની તમાકુની ચોરી કરીને વેચી નાખનારા આરોપીની ધરપકડ
મોરબીમાં ત્રાજપર ચોકડી પાસે આવેલ જય કોમ્પલેક્ષમાં ખોડીયાર સેલ્સ એજન્સી નામની દુકાન ધરાવતા વેપારીએ તેની દુકાનમાં કામે રાખેલા શખ્સ દ્વારા તમાકુના કાર્ટુનની ચોરી કરવામાં આવેલ હતી જેથી કરીને ૯,૫૮,૭૦૦ ની ચોરીની વેપારીએ ફરિયાદ કરી હતી જેના આધારે પોલીસે આરોપીને પકડવા માટે તજવીજ શરૂ કરી હતી અને હાલમાં આ ગુનામાં આરોપીની ધરપકડ કરીને આગળની કાર્યવાહી કરેલ છે
બનાવની જાણવા મળતી માહિતી મુજબ મોરબી શહેરના સામાકાંઠા વિસ્તારમાં આવેલ વૃંદાવન પાર્ક સોસાયટીમાં રોયલ એપાર્ટમેન્ટના ફ્લેટ નંબર-૨૦૧ માં રહેતા અલ્પેશભાઈ કાંતિભાઈ ધમસાણીયા જાતે પટેલ (૪૦) એ હાલમાં જયદીપભાઇ બીપીનભાઈ કાઠીયા રહે. માધાપર હનુમાન ચોક મોરબી વાળાની સામે ચોરીની ફરિયાદ નોંધાવી હતી જેમાં જણાવ્યુ છે કે, મોરબીની ત્રાજપર ચોકડી પાસે આવેલ જય કોમ્પલેક્ષમાં ખોડીયાર સેલ્સ એજન્સી નામની તેની દુકાન છે અને તે દુકાનમાં તેણે આરોપી જયદીપભાઇ કાઠીયાને કામે રાખ્યો હતો અને આરોપીએ ફરિયાદીની જાણ બહાર તેની દુકાનમાંથી તમાકુના અલગ અલગ ૧૯ જેટલા કાર્ટૂનની ચોરી કરીને વેચી નાખેલ છે અને આ તમાકુના કાર્ટુનની કિંમત ૯,૫૮,૭૦૦ રૂપિયા થાય છે જેથી ભોગ બનેલા દુકાનદાર દ્વારા તેના કર્મચારી સામે નોંધાવવામાં આવેલ ફરિયાદ આધારે પોલીસે ગુનો નોંધીને ચોરીના આગુણમાં સંદીપ ઉર્ફે જયદીપ બીપીનભાઈ કાઠીયા કોળી (૨૨) રહે. માધાપર કપિલા હનુમાન ચોક મોરબી વાળાની ધરપકડ કરીને આગળની કાર્યવાહી કરેલ છે
