મોરબીમાં મહિલા સાથે ૨.૨૦ લાખના મુદામાલની છેતરીપિંડીના ગુનામાં આરોપીની ધરપકડ
Morbi Today
મોરબીના કંડલા બાયપાસ ઉપર રોડ ઉપરના ખાડાના લીધે બાઈકમાંથી પડી જતા મહિલા સારવારમાં
SHARE
JOIN OUR GROUP
મોરબીના કંડલા બાયપાસ ઉપર રોડ ઉપરના ખાડાના લીધે બાઈકમાંથી પડી જતા મહિલા સારવારમાં
મોરબી-કંડલા બાયપાસ ઉપર આવેલ સોસાયટી નજીક રોડ ઉપર ખાડાના લીધે બાઇક સ્લીપ મારી ગયું હતું અને તે બનાવમાં બાઇકમાં બેઠલ મહિલાને ઈજા થતાં અત્રે ખાનગી હોસ્પિટલે સારવારમાં ખસેડાયા છે.
મોરબી એ ડિવિઝન પોલીસ સુત્રોમાંથી મળતી માહિતી પ્રમાણે મોરબીના કંડલા બાયપાસ ઉપર આવેલ રાફડાની વાડી વિસ્તારમાં રહેતા વર્ષાબેન શામજીભાઈ ચાવડા નામની ૩૫ વર્ષીય મહિલાને વાહન અકસ્માતમાં ઇજા થવાથી ખાનગી હોસ્પિટલમાં સારવારમાં લઈ જવામાં આવ્યા હતા.વધુમાં પોલીસના જણાવ્યા પ્રમાણે વર્ષાબેન ચાવડા બાઈકના પાછળના ભાગે બેસીને જતા હતા ત્યારે કંડલા બાઇપાસ ઉપર ધર્મસૃષ્ટિ સોસાયટી નજીક રોડ ઉપરના ખાડાના લીધે બાઇક સ્લીપ થઈ જવાનો બનાવ બન્યો હતો.જેમાં તેઓ બાઈક સહિત નીચે પડી જતા ઇજા પામતા તેમને સારવાર માટે લઈ જવામાં આવ્યા છે આ બાબતે હોસ્પિટલ ખાતેથી જાણ થતા હાલ એ ડિવિઝન પોલીસ મથકના વી.કે.પટેલ દ્વારા વધુ તપાસ ચલાવવામાં આવી રહી છે.
રાજકોટ ખસેડાયા
મોરબી જિલ્લાના હળવદ તાલુકામાં આવેલા શક્તિનગર વિસ્તારમાં વિજયભાઈની વાડીએ રહેતા પરિવારની રૂચીબેન રાજુભાઈને બેભાન હાલતમાં સારવાર માટે મોરબીની સિવિલ હોસ્પિટલે લાવવામાં આવ્યા હતા અહીં પ્રાથમિક સારવાર આપ્યા બાદ તેઓને રાજકોટ લઈ જવામાં આવ્યા હોવાનું જાણવા મળેલ છે.મોરબી એ ડિવિઝન પોલીસ મથકના વિપુલભાઇ ફુલતરીયાએ ઉપરોક્ત બનાવ બાબતે આગળની વધુ તપાસ માટે હળવદ પોલીસમાં જાણ કરી હોવાનું જાણવા મળેલ છે.
ઈજા થતા સારવારમાં
મોરબીના વાવડી રોડ ઉપર આવેલ ઉમિયા પાર્ક વિસ્તારમાં રહેતા સુમિત રાજેન્દ્રપ્રસાદ શાહ નામના ૨૪ વર્ષીય યુવાનને ઘરે મારામારીના બનાવમાં ઈજા થતા સારવાર માટે સિવિલે લાવવામાં આવ્યો હતો બનાવની જાણ પોલીસને કરવામાં આવતા પોલીસે તપાસ કરી હતી જેમાં સામે આવ્યું હતું કે પતિ-પત્ની વચ્ચે થયેલ ઝઘડામાં થયેલ મારામારીમાં ઇજા પહોંચી હોય સુમિત શાહને સારવારમાં લઇ જવાયો હતો.
મારામારીમાં ઈજા
મોરબીના લખધીરપુર રોડ નજીક આવેલ મેલડી માતાના મંદિર પાસે રહેતા ચતુરભાઈ બચુભાઈ પાટડીયા નામના ૪૫ વર્ષીય યુવાનને તેના ઘર નજીક મારામારીના બનાવમાં ઇજા થતા સિવિલ હોસ્પિટલ ખાતે સારવાર માટે લાવવામાં આવ્યો હતો.જે અંગે જાણ કરવામાં આવેલ હોય બી ડિવિઝન પોલીસ મથકના વાલભા ચાવડા દ્વારા નોંધ કરીને મારામારીના કારણ બાબતે આગળની તપાસ શરૂ કરાયેલ છે.
