હળવદના રણજીતગઢ ગામે જુગારની રેડ: પાંચ જુગારી પકડાયા, ત્રણ ફરાર
Morbi Today
તું મને કેમ રૂપિયા આપવાની ના પાડે છે કહીને મોરબીમાં યુવાન ઉપર છરી વડે હુમલો: ત્રણ સામે ફરિયાદ
SHARE
JOIN OUR GROUP
તું મને કેમ રૂપિયા આપવાની ના પાડે છે કહીને મોરબીમાં યુવાન ઉપર છરી વડે હુમલો: ત્રણ સામે ફરિયાદ
મોરબીના લખધીરવાસ ચોક પાસે યુવાનને આંતરીને “તું મને કેમ રૂપિયા આપવાની ના પાડે છે તેવું કહીને તેને જેમ ફાવે તેમ ગાળો આપી હતી અને ત્યારબાદ છરી વડે યુવાન ઉપર હુમલો કરીને તેને સાથળના ભાગે ઇજા કરવામાં આવી હતી અને જાનથી મારી નાખવાની ધમકી આપી હતી તેમજ ગૌશાળાએ જઈને ત્યાં રહેલા વ્યક્તિને તારો મિત્ર વિરલ ક્યાં છે આજે તેને જાનથી મારી નાખવો છે તેવી ધમકી આપી હતી જેથી કરીને ભોગ બનેલા યુવાન દ્વારા મોરબી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બનાવી જાણવા મળતી માહિતી મુજબ મોરબીના ગ્રીન ચોક પાસે આવેલ રામજિયાણી શેરીમાં રહેતા વિરલભાઈ જગદીશભાઈ મીરાણી જાતે લોહાણા (૩૨)એ ઇરફાનભાઇ સતારભાઈ રહે. જોન્સનગર લૂક્સ ફર્નિચર પાછળ મોરબી અને સિકંદર રહે.વીસીપરા મોરબી અને એક અજાણ્યા માણસની સામે ફરિયાદ નોંધાવેલ છે જેમાં તેને જણાવ્યુ છે કે, મોરબીના લખધીરવાસ ચોક પાસે તેને રોકીને આરોપી ઇરફાન સતારભાઈએ “તું કેમ મને રૂપિયા આપવાની ના પાડે છે” તેમ કહીને જેમ ફાવે તેમ ગાળો બોલી હતી અને તેની પાસે રહેલ છરી વડે તેને ડાબા પગના સાથળના ભાગે ઇજા કરી હતી અને જાનથી મારી નાખવાની ધમકી આપી હતી ત્યારબાદ ત્રણેય આરોપીઓ ગૌશાળાએ ગયા હતા અને ગૌશાળાએ રહેલા વ્યક્તિને મળીને કહ્યું હતું કે “તારો મિત્ર વિરલ ક્યાં છે” આજે તેને જાનથી મારી નાખવો છે તેવી ધમકી આપી હતી જેથી કરીને ભોગ બનેલા વિરલભાઈ મીરાણીએ હાલમાં ત્રણ શખ્સોની સામે મોરબી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
