મોરબીની નાની બજારમાં ઘરમાં જુગાર રમતા ચાર જુગારી ૫૨,૦૨૦ ની રોકડ સાથે પકડાયા
SHARE
JOIN OUR GROUP
મોરબીની નાની બજારમાં ઘરમાં જુગાર રમતા ચાર જુગારી ૫૨,૦૨૦ ની રોકડ સાથે પકડાયા
મોરબીની નાની બજારમાં આવેલ વિશ્વકર્માના મંદિરની પાછળના ભાગમાં રહેણાંક મકાનમાં પોલીસે જુગારી રેડ કરી હતી ત્યારે ઘરધણી સહિત કુલ મળીને ચાર વ્યક્તિઓ જુગાર રમતા મળી આવ્યા હતા. જેથી કરીને પોલીસે તેઓની પાસેથી ૫૨,૦૨૦ રૂપિયાની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ મોરબીની નાની બજારમાં આવેલ વિશ્વકર્મા મંદિરની પાછળના ભાગમાં રહેતા એજાજભાઈ ચાનિયાના ઘરની અંદર જુગાર રમતા હોવાની હકીકત મળી હતી જેના આધારે એ ડિવિઝન પોલીસની ટીમ દ્વારા ત્યાં જુગરની રેડ કરવામાં આવતા ઘરમાંથી જુગાર રમતા ઘરધણી એજાજભાઈ મહેબુબભાઇ ચાનિયા જાતે સંધિ (૨૬) રહે. નાની બજાર વિશ્વકર્મા મંદિર પાસે મોરબી, કિશનભાઇ દિલીપભાઈ કાનાબાર જાતે લોહાણા (૨૫) રહે. અમૃત પાર્ક નવલખી રોડ મોરબી, સુલતાનભાઇ રજાકભાઈ સિપાહી જાતે ખોખર (૩૨) રહે. વાણંદની ભોજન શાળા પાછળ સિપાઈવાસ મોરબી અને મુનીરઅહેમદ રજાકભાઈ કાસમાણી જાતે મેમણ (૩૩) રહે. વીસીપરા બિલાલી મસ્જિદ પાછળ મોરબી વાળા જુગાર રમતા મળી આવ્યા હોય પોલીસે તેની પાસેથી ૫૨,૦૨૦ રૂપિયાની રોકડ કબજે કરી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે
અકસ્માતમાં ઇજા
મોરબીના બાયપાસ રોડ ઉપર આવેલ જૂની આરટીઓ ઓફિસ પાસેથી પગપાળા ચાલીને અનુપ પ્રવીણભાઈ રાઠવા (૪૦) નામનો યુવાન પસાર થઈ રહ્યો હતો ત્યારે તે યુવાનને કોઈ અજાણ્યા બાઈક ચાલકે હડફેટ લેતા ઇજા થઈ હતી જેથી કરીને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તે યુવાનને સારવાર આપવામાં આવ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના એમ.એલ. બારૈયા ચલાવી રહ્યા છે
