મોરબીમાં સ્પાની આડમાં કુટણખાનું ચલાવવાના ગુનામાં વધુ એક આરોપીની ધરપકડ

મોરબીના વેલકમ્ સ્પામાં બહારથી સ્ત્રીઓને બોલાવીને સ્પાની આડમાં કુટણખાનું ચલાવવામાં આવતું હતું જેથી પોલીસે પહેલા ત્રણ આરોપીની ધરપકડ કરી હતી અને હાલમાં આ ગુનામાં વધુ એક આરોપીની ધરપકડ કરીને આગળની કાર્યવાહી કરેલ છે

જાણવા મળતી માહિતી મુજબ થોડા સમય પહેલા મોરબીના સામાકાંઠા વિસ્તારમાં મહેન્દ્રનગર ચોકડી પાસે આવેલ શિવ કોમ્પ્લેક્સમાં હરિઓમ નાસ્તાની ઉપરના ભાગમાં આવેલ વેલકમ્ સ્પામાં બી ડિવિઝન પોલીસ દ્વારા ચેકીંગ કરવામાં આવ્યુ હતુ ત્યારે ત્યાં બહારથી સ્ત્રીઓને બોલાવીને સ્પાની આડમાં કુટણખાનું ચલાવવામાં આવતું હોય અને જરૂરી સાધનો પૂરા પાડવામાં આવતા હોય તેવું સામે આવ્યું હતું જેથી કરીને પોલીસે ૫૬૦૦ ની રોકડ, ૫૨,૦૦૦ ની કિમતના ત્રણ મોબાઇલ ફોન, ૩૯ કોન્ડમ સહિત કુલ મળીને ૫૭,૬૦૦ નો મુદામાલ કબ્જે કર્યો હતો અને જે તે સમયે જયેશ મોહનભાઇ પરડવા જાતે આહીર, વિમલભાઈ લલીતભાઈ અગ્રાવત જાતે બાવાજી, અને પ્રકાશભાઈ કનૈયાલાલ ડાખોર જાતે લોહાણાની ધરપકડ કરેલ હતી અને ત્યાર બાદ હાલમાં આ ગુનામાં પોલીસે આરોપી મુકેશભાઈ ઘોઘાભાઈ સુરેલા (૩૩) રહે.મોરબી વાળાની ધરપકડ કરીને આગળની કાર્યવાહી કરેલ છે

અકસ્માતમાં ઇજા

મોરબીમાં કંડલા બાયપાસ પાસે રોકડિયા હનુમાન નજીક વાડી વિસ્તારમાં રહેતા શિવકુમાર ગાંડુભાઈ સુરેલા (૨૮) નામનો યુવાન કંડલા હાઇવે રોડ ઉપર આવેલ નેક્સેસ સીરામીક સિનેમા પાસેથી પસાર થયો હતો ત્યારે ત્યાં અજાણ્યા બાઇક ચાલકે તેને પાછળથી હડફેટે લેતા અકસ્માતનો બનાવ બન્યો હતો અને અકસ્માતના બનાવમાં ઈજા થવાથી શિવકુમારને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવી નોંધ કરી આગળની કાર્યવાહી હાથ ધરી છે અને આ બનાવની વધુ તપાસ મનીષભાઈ બારૈયા ચલાવી રહ્યા છે