હળવદના રણજીતગઢ પાસે બાઇકને ઉડાવીને વૃદ્ધનું મોત નિપજાવનારા કાર ચાલક સામે ગુનો નોંધાયો
Morbi Today
ટંકારાના ઓટાળા પાસે અજાણી કારના ચાલકે બાઇકને હડફેટે લેતા દંપતી ખંડિત: યુવાનનું મોત, મહિલા-બાળક સારવારમાં
SHARE
JOIN OUR GROUP
ટંકારાના ઓટાળા પાસે અજાણી કારના ચાલકે બાઇકને હડફેટે લેતા દંપતી ખંડિત: યુવાનનું મોત, મહિલા-બાળક સારવારમાં
ટંકારા તાલુકાના લજાઇ ગામે વાડીમાં રહેતા અને મજૂરી કામ કરતો યુવાન તેની પત્ની અને દીકરા સાથે સાઢુભાઈના ઘરે ગયો હતો અને ત્યાંથી પરત વાડીએ આવી રહ્યો હતો ત્યારે રત્ન આઠેક વાગ્યાના અરસામાં ઓટાળા ગામ પાસે અજાણી કારના ચાલકે તેઓના બાઇકને હડફેટે લીધું હતું જેથી અકસ્માતનો બનાવ બન્યો હતો અને તે બનાવમાં યુવાન, તેના પત્ની અને દીકરાને ઇજા થઈ હોવાથી તેને સારવાર માટે રાજકોટની સરકારી હોસ્પિટલે લાવ્યા હતા ત્યાં સારવાર દરમિયાન યુવાનનું મોત નીપજયું છે જેથી હોસ્પિટલ મારફતે અકસ્માત મૃત્યુના બનાવની ટંકારા તાલુકા પોલીસને જાણ કરવા માટેની કવાયત કરવામાં આવી છે
બનાવી જાણવા મળતી માહિત મુજબ મૂળ એમપીના રહેવાસી અને હાલમાં ટંકારા તાલુકાના લજાઈ ગામે રમેશભાઈની વાડીએ રહેતા અને મજૂરી કામ કરતા કિસનભાઈ સુબેસિંગ વાસકલે (૩૮) તેના પત્ની સંગીતાબેન કિશનભાઇ વાસકલે (૩૫) અને દીકરા પંકજ કિશનભાઈ વાસકલે (૬) બાઇક લઈને ઓટાળા ગામ પાસેથી વાડી તરફ આવી રહ્યા હતા ત્યારે કોઈ અજાણી કારના ચાલકે તેઓના બાઇકને હડફેટે લીધું હતું જેથી અકસ્માતનો બનાવ બન્યો હતો અને અકસ્માતના આ બનાવમાં કિશનભાઇ, સંગીતાબેન અને તેના દીકરા પંકજને ઇજાઑ થઇ હોવાથી ઇજાગ્રસ્તોને સારવાર માટે રાજકોટની સરકારી હોસ્પિટલે લઈને આવ્યા હતા અને રાજકોટ ખાતે સારવાર દરમિયાન કિશનભાઇ સુબેસિંગ વાસકલેનું મોત નીપજ્યું છે જેથી કરીને હોસ્પિટલ મારફતે આ બનાવ અંગેની ટંકારા તાલુકા પોલીસને જાણ કરવા માટેની કવાયત હાથ ધરવામાં આવી છે વધુમાં જાણવા મળતી માહિતી મુજબ કિશનભાઇ તેની પત્ની અને દીકરા સાથે તેના સાઢુભાઈના ઘરે લતીપુર ગયા હતા અને ત્યાંથી તે પરત આવતા હતા દરમિયાન અકસ્માતનો બનાવ બન્યો છે અને અકસ્માતમાં બનાવમાં તેનું મોત નીપજયું છે જેથી દીકરાએ પિતાની છત્રછાયા ગુમાવી છે અને મૃતક કિશનભાઇ ચાર ભાઈઓમાં સૌથી મોટા હતા તેવું તેના પરિવારના લોકો પાસેથી જાણવા મળેલ છે
