માળિયા (મી)ની બોડકી પ્રાથમિક શાળાનાં આચાર્ય વિનુભાઈ રાઠોડનો નિવૃત્તિ સન્માન સમારોહ
Morbi Today
મોરબીના ગાળા પાસે કારખાનામાં યુવાનને કચડી નાખીને મોત નિપજાવનારા વાહન ચાલકની ધરપકડ
SHARE
JOIN OUR GROUP
મોરબીના ગાળા પાસે કારખાનામાં યુવાનને કચડી નાખીને મોત નિપજાવનારા વાહન ચાલકની ધરપકડ
મોરબી માળિયા હાઇવે ઉપર આવેલ ગાળા ગામની સીમમાં કારખાનાની અંદર તળિયાનું ધાબુ ભરવાનું કામ ચાલુ હતું ત્યારે એજેક્ષ મિક્સરની ગાડીનું વ્હીલ યુવાન ઉપર ફરી ગયું હતું.જેથી યુવાનનું મોત નીપજયું હતું. જે બનાવની ફરિયાદ આધારે પોલીસે આરોપીની ધરપકડ કરેલ છે
જાણવા મળતી માહિતી મુજબ મૂળ બિહારના રહેવાસી અને હાલમાં મોરબી જિલ્લાના વાંકાનેર તાલુકામાં માટેલ રોડ ઉપર આવેલ એરાકોન સીરામીક ખાતે રહેતા દિગુભાઈ શ્રીસકલ પાસવાન જાતે અનુ. જાતિ (ઉમર ૩૦) નામના યુવાને એજેક્ષ મિક્સરની ગાડી નંબર જીજે ૩૪ એસ ૦૬૯૭ ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવી હતી કે, ગાળા ગામની સીમમાં કેરોવીટ ગ્લોબલ પ્રાઇવેટ લીમીટેડ કંપનીમાં આરોપી તેના હવાલા વાળું વાહન બેફિકરાયથી ચલાવતા ફરિયાદીના સાળા જયલાલભાઈ લખીન્દ્રભાઈ પાસવાન (૩૨) કારખાનામાં તળિયાનું ધાબુ ભરવાનું કામ કરતા હોય જેના ઉપર વાહન ચાલકે તેનો વાહનના વ્હીલ ફેરવી દીધા હતા. જેથી કરીને તેનું ઘટના સ્થળે મોત નીપજયું હતું અને અકસ્માત મૃત્યુના આ બનાવ સંદર્ભે મૃતક યુવાનના બનેવીએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરી હતી અને હાલમાં મોરબી તાલુકા પોલીસ સ્ટેશનના પીએસઆઇ બી.એ.ગઢવી અને રાઇટર અરવિંદભાઇ દલવાડીએ આરોપી મોહયુદિન ઈસ્માઈલ માથાકીય (૩૧) રહે. તીથવા વાંકાનેર વાળાની ધરપકડ કરેલ છે
અકસ્માતમાં ઇજા
મોરબીના નવલખી રોડ ઉપર આવેલ પીપળીયા ચોકડી પાસે ટ્રક સાથે ટ્રક અથડાતા અકસ્માતનો બનાવ બન્યો હતો અને અકસ્માતના આ બનાવમાં માળિયા તાલુકાના મોટા દહીસરા ગામે રહેતા રામબચ્ચન ગયાપ્રસાદ યાદવ (૩૮) નામના યુવાનને ઇજાઓ થઈ હતી જેથી કરીને ઇજાગ્રસ્ત યુવાનને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર બાદ આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ અર્જુનસિંહ ઝાલા ચલાવી રહ્યા છે
