મોરબીમાં સેન્ટ મેરી સ્કૂલ નજીક ઘર પાસે રમતા બાળકને ઇકોના ચાલકે હડફેટે લેતા અકસ્માત
Morbi Today
મોરબીના ટિંબડી પાટીયા નજીક ટ્રક કન્ટેનરના ચાલકે રોડ ક્રોસ કરતાં યુવાનને હડફેટે લેતા મોત
SHARE
JOIN OUR GROUP
મોરબીના ટિંબડી પાટીયા નજીક ટ્રક કન્ટેનરના ચાલકે રોડ ક્રોસ કરતાં યુવાનને હડફેટે લેતા મોત
મોરબી માળિયા હાઇવે ઉપર આવેલ ટિંબડી ગામના પાટીયા નજીક આવેલ અશ્વમેઘ હોટલ સામે અકસ્માતનો બનાવ બનેલ હતો જેમાં ચાલીને રોડ ક્રોસ કરી રહેલા યુવાનને ટ્રક કન્ટેનરના ચાલકે હડફેટે લીધો હતો અને જેથી તે યુવાનને શરીરે ગંભીર ઇજા થયેલ હોવાથી તેનું મોત નીપજયું હતું અને હાલમાં મૃતક યુવાનના ભત્રીજાએ નોંધાવેલ ફરિયાદ આધારે પોલીસે ટ્રક કન્ટેનરના ચાલક સામે ગુનો નોંધી આરોપીને પકડવા માટે તજવીજ શરૂ કરી છે.
મૂળ રાજસ્થાનના રહેવાસી વિક્રમભાઈ જગદીશભાઈ મીના જાતે અનુ.જાતી (ઉંમર ૧૮) એ હાલમાં મોરબી તાલુકા પોલીસ સ્ટેશન ખાતે ટ્રક કન્ટેનર નંબર જીજે ૧૨ બીઝેડ ૩૦૭૪ ના ચાલક સામે ફરિયાદ નોંધાવી છે.જેમાં તેને જણાવ્યું છે કે, મોરબીના ટિંબડી ગામના પાટીયા પાસે આવેલ અશ્વમેઘ હોટલ સામેથી તેઓના કાકા મુકેશભાઈ રામદેવ મીના (ઉમર ૩૦) ચાલીને રોડ ક્રોસ કરી રહ્યા હતા ત્યારે તેઓને ટ્રક કન્ટેનરના ચાલકે હડફેટે લીધા હતા જેથી કરીને તેઓને ગંભીર ઈજા થઈ હતી અને તેનું મોત નીપજયું હતું અને અકસ્માત સર્જીને આરોપી પોતાનું વાહન બનાવ સ્થળે મૂકીને નાસી ગયો હતો જેથી હાલમાં ભોગ બનેલા યુવાનના ભત્રીજાએ નોંધાવેલ ફરિયાદ આધારે પોલીસે ટ્રક કન્ટેનરના ચાલક સામે મોરબી તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે અને વધુ તપાસ મોરબી તાલુકા પોલીસ સ્ટેશનના પીએસઆઇ બી.એ.ગઢવી ચલાવી રહ્યા છે.
સાપ કરડી જતા સારવારમાં
મોરબીના ફડસર ગામે વાડી વિસ્તારમાં રહીને મજૂરી કામ કરતા પરિવારના નરમાબેન બહાદુરભાઇ નિનામા નામની ૩૨ વર્ષની મહિલાને કામ દરમિયાન સાપ કરડી ગયો હોવાથી તેને ૧૦૮ વડે મોરબીની સરકારી હોસ્પિટલમાં સારવાર માટે લાવવામાં આવ્યા હતા અને આ બાબતે નોંધ થતા તાલુકા પોલીસ દ્વારા તપાસ કરવામાં આવી હતી.
વૃદ્ધા સારવારમાં
ટંકારા ખાતે રહેતા ઝરીબેન સોમાભાઈ ગોહિલ નામના ૬૦ વર્ષના વૃદ્ધાને મારામારીના બનાવમાં ઈજા થતા મોરબી સરકારી હોસ્પિટલે લાવવામાં આવ્યા હતા.જેથી એ ડિવિઝન પોલીસે પ્રાથમિક તપાસ કરીને આ બનાવ અંગે ટંકારા પોલીસમાં જાણ કરી હતી.
મજુર યુવાન સારવારમાં
માળિયા મીયાણા તાલુકાના વવાણીયા ગામે રહેતા દિનેશ ગુલાભાઈ ભુરીયા નામના ૩૫ વર્ષના મજૂર યુવાને અકસ્માતમાં ઇજા થતા મોરબી સિવિલ હોસ્પિટલે સારવારમાં લાવવામાં આવ્યો હતો. તે રોડ ઉપર કામ કરતો હતો ત્યારે મશીનમાં પગ આવી જવાથી તેને ઈજા પહોંચી હોય સારવારમાં લવાયો હતો.
