વાંકાનેર નજીક બાઈકના સ્ટેરીંગનો કાબુ ગુમાવતાં થયેલા અકસ્માતમાં યુવાનનું મોત
Morbi Today
મોરબીની ઓસેમ સ્કૂલમાં એસપીની હાજરીમાં સાઇબર સિક્યુરિટી સેમિનાર યોજાયો
SHARE
JOIN OUR GROUP
મોરબીની ઓસેમ સ્કૂલમાં એસપીની હાજરીમાં સાઇબર સિક્યુરિટી સેમિનાર યોજાયો
વર્તમાન સમયમાં સાયબર સલામતી અને સુરક્ષાએ આજની જરૂરિયાત છે ત્યારે મોરબી પોલીસ દ્વારા મોરબીની ઓસેમ સ્કૂલમાં સાઇબર સિક્યુરિટી સેમિનારનું આયોજન કરવામાં આવ્યું હતું જેમાં એસપી રાહુલ ત્રિપાઠી અને એ ડિવિઝનના પીઆઇ હકૂમતસિંહ જાડેજા સહિતના અધિકારી હાજર રહ્યા હતા ત્યારે એસપી રાહુલ ત્રિપાઠીએ સાયબર ક્રાઈમ, સાયબર કાયદા, હેકિંગ, સ્પામિંગ, એન્ડ્રોઈડ હેકિંગ, સોશિયલ મીડિયા તેના ફાયદા અને ગેરફાયદાને લગતા વિવિધ વિષયો ઉપર વિદ્યાર્થીઓને માહિતી આપી હતી અને હેકિંગ સાથે સંકળાયેલા વિવિધ સાધનો વિશે જ્ઞાન આપ્યું હતું ડીડીઓએસ હુમલાઓ અને સ્પામિંગ હુમલાઓ કેવી રીતે થાય છે તે દર્શાવ્યું હતું અને હેકિંગ તેમજ અન્ય સાયબર ક્રાઇમ્સથી લોકો કેવી રીતે પ્રભાવિત થયા છે તેની માહિતી આપી હતી તેમણે વિદ્યાર્થીઓને ચેતવણી આપી અને તેમને આવા સાયબર ક્રાઈમથી પોતાને બચાવવા માટે કેવા પગલાં લેવા જોઈએ તેની માહિતી આપેલ હતી આજના અધ્યતન યુગમાં જ્યાં ફોરજી અને ફાયજી ઇન્ટરનેટની સુવિધાઓ અવેલેબલ છે તેનો ઉપયોગ કેવી રીતે અને કેમ કરવો તેની પણ માહિતી આપવામાં આવી હતી જેથી ઓમ શાંતિ સીબીએસસી સ્કૂલ (ઓસેમ સ્કૂલ) દ્વારા પોલીસ વિભાગનો આભાર વ્યક્ત કરવામાં આવ્યો હતો
