મારા મજૂર તારા ખેતરે કેમ લઈ ગયો કહીને મોરબીના વાઘપર ગામે વૃદ્ધને માર માર્યો
SHARE
JOIN OUR GROUP
મારા મજૂર તારા ખેતરે કેમ લઈ ગયો કહીને મોરબીના વાઘપર ગામે વૃદ્ધને માર માર્યો
મોરબી તાલુકાના વાઘપર ગામે વાડીએ કપાસ વીણવા માટે મજૂર મૂકીને ગામમાં પાછા આવેલા વૃદ્ધને “મારા મજુરને કેમ તારા ખેતરે કપાસ વીણવા લઈ ગયો છો” તેવું કહીને જેમ ફાવે તેમ ગાળો આપવામાં આવી હતી અને ત્યારબાદ લાકડાના ધોકા વડે તેને હાથે અને પગ ઉપર માર મારવામાં આવ્યો હતો જેથી ઈજા પામેલા વૃદ્ધે સારવાર લીધા બાદ હાલમાં એક શખ્સની સામે મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોધી આરોપીને પકડવા માટે તજવીજ શરૂ કરેલ છે
બનાવની જાણવા મળતી વિગત પ્રમાણે વાઘપર ગામે આવેલ પંચવટી સોસાયટીમાં રહેતા ગોરધનભાઈ નાનજીભાઈ કડીવાર જાતે પટેલ (૬૨) એ હાલમાં વિનોદભાઈ બચુભાઈ કડીવાર રહે. વાઘપર વાળાની સામે ફરિયાદ નોંધાવી છે જેમાં તેને જણાવી છે કે, તેઓ પોતાના ખેતરે કપાસ વીણવા માટે મજૂરને મુકવા માટે ગયા હતા અને ત્યાં મજૂરને મૂકીને પાછા ગામમાં આવી રહ્યા હતા ત્યારે વાઘપર ગામના ઝાપા પાસે વિનોદભાઈ કડીવાર બેઠા હતા અને ફરિયાદી ત્યાં ઉભા રહેતા “મારા મજુરને કેમ તારા ખેતરે કપાસ વીણવા લઈ ગયો છો” તેવું કહીને વિનોદભાઈ કડીવારે ફરિયાદી વૃદ્ધને ગાળો આપી હતી અને ત્યારબાદ લાકડાના ધોકા વડે હાથે પગે માર માર્યો હતો જેથી ઈજા પામેલા વૃદ્ધે સારવાર લીધા બાદ હાલમાં મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસ ગુનો નોંધી આરોપીને પકડવા માટે તજવીજ શરૂ કરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના પીએસઆઇ બી.એ. ગઢવી ચલાવી રહ્યા છે
