મોરબીના મહેન્દ્રપરામાંથી ગુમ થયેલ યુવાન કચ્છમાંથી મળી આવ્યો

મોરબીના મહેન્દ્રપરા વિસ્તારની અંદર રહેતા યુવાનને માનસિક બીમારી હોય તેની દવા ચાલુ હતી અને દરમિયાન તેની પત્ની સાથે તેને ઝઘડો થતા ગુમ થઈ ગયો હતો જે યુવાન હાલમાં મળી આવતા તેની પોલીસે નોંધ કરી આગળની રાબેતા મુજબની કાર્યવાહી હાથ ધરી છે

મોરબીના મહેન્દ્રપરા શેરી નં-૨ માં રહેતો તોફિક ગુલામભાઈ અજમેરી જાતે પીંજારા (૩૧) નામનો યુવાન ગુમ થઈ ગયો હતો જેથી કરીને તેની ગુમસુધા નોંધ મોરબી એ ડિવિઝન પોલીસ સ્ટેશન ખાતે તેના પરિવરજન દ્વારા કરવામાં આવી હતી અને તે યુવાનને પરિવારજનો તથા પોલીસ શોધી રહી હતી દરમિયાન યુવાનને માનસિક બીમારીની દવા ચાલુ હોય તેની પત્ની સાથે ઝઘડો થયો હતો જેથી કરીને તે કચ્છ બાજુ ચાલ્યો ગયો હતો અને હાલમાં તે પરત મળી આવતા પોલીસે તે અંગેની નોંધ કરી આગળની રાબેતા મુજબની કાર્યવાહી હાથ ધરી છે

મારા મારીમાં ઇજા

મોરબીના રવાપર રોડ ઉપર આવેલ પેટ્રોલ પંપની પાછળના ભાગમાં રહેતા શાંતિબેન લલીતભાઈ (૨૦) નામની યુવતીને મારા મારીના બનાવમાં ઈજા પામેલ વ્યક્તિને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી કરી હતી આવી જ રીતે મારામારીનો બનાવો મોરબીના કબીર ટેકરી વિસ્તારમાં થયો હતો જેમાં રામદિન શ્રીદુર્ગા પ્રસાદ (૩૩) નામના યુવાનને ઇજા થઈ હતી જેથી કરીને ઈજા પામેલા યુવાનને સારવાર માટે મોરબીની સિવિલ હોસ્પિટલે લઈને આવ્યા હતા અને ત્યાં તેને સારવાર આપીને આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવી હતી

મારામારીમાં ઇજા

મોરબીના જેલ રોડ ઉપર સબજેલની સામેના ભાગમાં રહેતા જીગ્નેશ પંકજભાઈ ઝાલા (૩૫) નામના યુવાનને ઘર પાસે મારામારીના બનાવમાં ઇજા થયેલ હતી જેથી કરીને ઈજા પામેલા યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની મોરબીએ ડિવિઝન પોલીસને જાણ કરી હતી