હળવદના ચરાડવા પાસે રિક્ષા ચાલકે બાઇકને ટક્કર મારતા યુવાનનું મોત
Morbi Today
મોરબીના નવા સાદુળકા નજીક કેનાલ ઉપરથી ખેડૂતની ઈલેક્ટ્રીક મોટરની ચોરી
SHARE
JOIN OUR GROUP
મોરબીના નવા સાદુળકા નજીક કેનાલ ઉપરથી ખેડૂતની ઈલેક્ટ્રીક મોટરની ચોરી
મોરબીના શનાળા રોડ ઉપર આવેલ સોસાયટીમાં રહેતા વૃદ્ધની મોરબી નજીકના નવા સાદુળકા ગામની સીમમાંથી પસાર થતી કેનાલ પાસે સિંચાઈ માટેની ઈલેક્ટ્રીક મોટર મૂકી હતી જે ઇલેક્ટ્રીક મોટરની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ૧૦,૦૦૦ રૂપિયાની કિંમતના મુદ્દામાલની ચોરી થઈ હોવાની ભોગ બનેલા વૃદ્ધે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેના આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ મોરબીના સનાળા રોડ ઉપર આવેલ શિશુ મંદિરની પાછળના ભાગમાં કૈલાસ સોસાયટી બ્લોક નં-૮ ખાતે રહેતા કાંતિલાલ ડાયાભાઈ માકાસણા જાતે પટેલ (૬૩)એ હાલમાં મોરબી તાલુકા પોલીસ સ્ટેશન ખાતે ચોરીની ફરિયાદ નોંધાવેલ છે જેમાં તેને જણાવ્યુ છે કે, મોરબીના નવા સાદુળકા ગામની સીમમાંથી પસાર થતી પાવરીયાળી કેનાલ તરફ જતા આરસીસી કેનાલ વાળા રસ્તે કેનાલમાંથી પાણીની સિંચાઈ માટે તેણે મોટર એકવાટેક્ષ ઓપનવેલ કંપનીની સાડા સાત હોસ પાવરની મોટર મૂકી હતી જે ૧૦,૦૦૦ રૂપિયાની કિંમતની મોટરની કોઈ અજાણ્ય શખ્સ દ્વારા ચોરી કરવામાં આવેલ છે જેથી કરીને વૃદ્ધે ચોરી થઈ હોવાની મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે અને આ બનાવની આગળની વધુ તપાસ મનીષભાઈ બારૈયા ચલાવી રહ્યા છે
