મોરબીના ભરતનગર પાસેથી દેશી બનાવટની પિસ્તોલ સાથે એક શખ્સ ઝડપાયો
Morbi Today
મોરબીના ઘૂટું ગામે ઘરમાં જુગાર રમતા ત્રણ શખ્સ પકડાયા: ૩.૫૪ લાખનો મુદામાલ કબજે
SHARE
JOIN OUR GROUP
મોરબીના ઘૂટું ગામે ઘરમાં જુગાર રમતા ત્રણ શખ્સ પકડાયા: ૩.૫૪ લાખનો મુદામાલ કબજે
મોરબી નજીકના ઘુટુ ગામે રહેતા શખ્સનાં ઘરની અંદર જુગારની રેડ કરવામાં આવી હતી ત્યારે ઘરમાં જુગાર રમતા ઘરધણી સહિતના કુલ ત્રણ વ્યક્તિઓ મળી આવ્યા હતા જેથી કરીને પોલીસે રોકડા ૧૯૮૦૦ તથા પાંચ મોબાઇલ ફોન અને ગાડી મળીને ૩,૫૪,૮૦૦ ની કિંમતનો મુદ્દામાલ કબજે કરી મોરબી તાલુકા પોલીસ સ્ટેશન ખાતે જુગાર ધારા હેઠળ ગુનો નોંધીને આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ મોરબી એલસીબીની ટીમને મળેલ બાતમી આધારે મોરબી નજીકના ઘૂટું ગામે રહેતા કેતનભાઇ રતિલાલ સોરીયાના મકાનમાં જુગારની રેડ કરવામાં આવી હતી ત્યારે ઘરધણી કેતનભાઇ રતિલાલ સોરીયા જાતે પટેલ (૩૭), ભાવેશભાઈ ભગવાનભાઈ સાણંદિયા જાતે પટેલ (૩૭) રહે. ઉમા ટાઉનશીપ પટેલ હાઇટ્સ મોરબી અને દિનેશભાઈ ગંગારામભાઈ સનારીયા જાતે પટેલ (૪૮) રહે. હરિ નગર ઘુટુ ગામ વાળા જુગાર રમતા મળી આવ્યા હતા જેથી કરીને પોલીસે તેની પાસેથી ૧૯,૮૦૦ ની કિંમતની રોકડ કબજે કરી હતી અને પાંચ મોબાઇલ ફોન જેની કિંમત ૩૫,૦૦૦ તેમજ ગાડી નંબર જીજે ૩૬ એફ ૯૪૭૧ જેની કિંમત ત્રણ લાખ રૂપિયા આમ કુલ મળીને ૩,૫૪,૮૦૦ રૂપિયાની કિંમતના મુદ્દામાલને પોલીસે સ્થળ ઉપરથી કબજે કર્યો હતો અને મોરબી તાલુકા પોલીસ સ્ટેશન ખાતે જુગાર હેઠળ ગુનો નોંધી આગળની કાર્યવાહી હાથ ધરી છે
વરલી જુગાર
વાંકાનેરમાં ગ્રીન ચોક પાસે વરલી જુગારના આંકડા લેવામાં આવતા હોવાની પોલીસને બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે વરલી જુગારના આંકડા લેતા એક શખ્સ મળી આવ્યો હોય તેની પાસેથી ૭૦૦ ની રોકડ કબજે કરી હતી અને આરોપી હનીફભાઈ બચુભાઈ ભટ્ટી જાતે ખલીફા (૬૨) રહે. સિપાઈ શેરી-૨ વાંકાનેર વાળાની ધરપકડ કરેલ છે અને આગળની કાર્યવાહી હાથ ધરી છે
