મોરબી આસપાસમાં પેટકોક વાપરતા છ કારખાનાઓને જીપીસીબીએ ફટકારી ક્લોઝર નોટિસ
SHARE
JOIN OUR GROUP
મોરબી આસપાસમાં પેટકોક વાપરતા છ કારખાનાઓને જીપીસીબીએ ફટકારી ક્લોઝર નોટિસ
મોરબીની આસપાસમાં વિશ્વ કક્ષાનો સિરામિક ઉદ્યોગ આવેલ છે જેમાં કેટલાક ઉદ્યોગકારો દ્વારા પેટકોકનો ઉપયોગ કરવામાં આવે છે જેની જીપીસીબીની કચેરમાં રજૂઆત કરવામાં આવી હતી જેના આધારે તપાસ કરીને હાલમાં છ કારખાનેદારોને ક્લોઝર નોટિસ આપવામાં આવી છે અને હજુ બીજા કોઈ કારખાનામાં પેટકોક વાપરવામાં આવે છે કે કેમ તેની તપાસ કરવામાં આવી રહી છે
મોરબીની આસપાસમાં પ્રદૂષણનો પ્રશ્ન ન ઊભો થાય તેના માટે સિરામિક એસો. દ્વારા અને વિવિધ એસો. દ્વારા પ્રયાસો કરવામાં આવી રહ્યા છે જો કે, તેના ઉપર કેટલાક ઉદ્યોગકારો દ્વારા પાણી ફેરવવામાં આવી રહ્યું છે તેવું કહીએ તો તેમાં જરાપણ અતિશયોક્તિ નથી કેમ કે, મોરબીની આસપાસના વિસ્તારમાં આવેલ કારખાનામાંથી અમુક કારખાનેદારો પ્રતિબંધિત પેટકોકનો વપરાશ કરે છે જે અંગેની મોરબી જીપીસીબીની કચેરીને ફરિયાદ કરવામાં આવી હતી જેના આધારે હાલમાં એક કે બે નહીં પણ છ કારખાનાઓને જીપીસીબી દ્વારા કલોઝર નોટિસ આપવામાં આવેલ છે જેની માહિતી આપતા અધિકારી મહેન્દ્ર સોનીએ જણાવ્યું હતું કે, હાલમાં પેટકોકનો ઉપયોગ કરતાં રિકોન સિરામિક, જેન્યુઇન સિરામિક, સેમસંગ સિરામિક, સિલિકોન સિરામિક, ક્રિષ્ના વિજય સિરામિક અને શિવાય ટેરાકોટા ઇન્ડસ્ટ્રીઝને ક્લોઝર નોટિસ આપવામાં આવી છે અને હજુ બીજા કોઈ કારખાનામાં તેનો ઉપયોગ કરવામાં આવે છે કે કેમ તેની તપાસ કરવામાં આવી રહી છે
