વાંકાનેર નજીક હિટ એન્ડ રનમાં આધેડ મહિલાનું મોત નિપજાવનાર કાર ચાલક સામે ગુનો નોંધાયો

મોરબી જિલ્લાના વાંકાનેર શહેર નજીક ચંદ્રપુર ગામ પાસે આવેલ સીએનજી પંપ સામે હિટ એન્ડ રનની ઘટના બની હતી જેમાં મહિન્દ્રા થાર ગાડીના ચાલકે હાઇવે પરથી પસાર થતાં આધેડ મહિલાને હડફેટે લેતા તેને ગંભીર ઇજા થઈ હતી અને તે મહિલાનું મોત નીપજયું હતું જે બનાવમાં મહિલાના પતિએ નોંધાવેલ ફરિયાદ આધારે પોલીસે હાલમાં ગાડીના ચાલકની સામે ગુનો નોંધીને આરોપીને પકડવા માટે ચક્રોગતિમાન કરેલ છે

જાણવા મળતી માહિતી મુજબ વાંકાનેર શહેર નજીક ચંદ્રપુર ગામના બોર્ડ પાસે સીએનજી પંપ નજીક રોડ ઉપર ગંભીર અકસ્માતનો બનાવ બનેલ હતો જેમાં મહિન્દ્રા થાર ગાડી નંબર જીજે ૩૬ એજે ૦૯૦૯ ના ચાલકે હાઇવે પરથી પસાર થતા હસીનબેન ઇસ્માઇલભાઇ શેરસીયા (૫૨) રહે. સિંધાવદર વાળા મહિલાને હડફેટે લીધા હતા જેથી કરીને તે મહિલાને ગંભીર ઇજા થઇ હતી અને તે મહિલાને તાત્કાલિક સારવાર માટે પીર મશાયખ હોસ્પિટલ ખાતે લઈને આવ્યા હતા જો કે, સારવાર દરમિયાન તે મહિલાનું મોત થયું હતું. હાલમાં હિટ એન્ડ રન ની આ ઘટનામાં મૃતકા મહિલાના પતિ ઇસ્માઇલભાઇ અલીભાઇ અમનજીભાઇ શેરસીયા જાતે મોમીન (૫૨) રહે. સિંધાવદર વાળાએ થાર ગાડીના ચાલકની સામે વાંકાનેર સિટી પોલીસ સ્ટેશને ફરિયાદ નોંધાવી છે જેના આધારે પોલીસે ગુનો નોંધીને આરોપીને પકડવા માટે તજવીજ શરૂ કરી છે