મોરબીથી ગાંધીનગર દવા લેવા નીકળ્યા બાદ ગુમ થયેલ પિતા-પુત્ર હેમખેમ મળ્યા
Morbi Today
મોરબી નજીક ગૌશાળામાં ડમ્પરની હાઇડ્રોલિક લારી ઇલેક્ટ્રીક વાયરમાં અડી જતાં શોર્ટ લગતા યુવાનનું મોત
SHARE
JOIN OUR GROUP
મોરબી નજીક ગૌશાળામાં ડમ્પરની હાઇડ્રોલિક લારી ઇલેક્ટ્રીક વાયરમાં અડી જતાં શોર્ટ લગતા યુવાનનું મોત
મોરબીના રાજપર રોડ ઉપર આવેલ ગૌશાળામાં ડમ્પરની હાઇડ્રોલિક લારી ઉપર કરીને ડમ્પરને આગળ લેતા પીજીવીસીએલની ઇલેક્ટ્રીક લાઈન સાથે ડમ્પર અડી જતા શોર્ટ લાગવાથી યુવાનને ગંભીર ઇજાઓ થઈ હતી જેથી કરીને તેને તાત્કાલિક સારવાર માટે મોરબી શહેરની સિવિલ હોસ્પિટલ ખાતે લઈને આવ્યા હતા ત્યાં ફરજ પરના ડોક્ટરે તેને જોઈ તપાસીને મૃત જાહેર કર્યો હતો ત્યારબાદ આ બનાવની મોરબી સીટી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ મોરબી તાલુકાના અમરાપર નાગલપર ગામે રહેતા અને ડ્રાઇવિંગનું કામ કરતા જગદીશભાઈ પરસોતમભાઈ રૂદાતલા જાતે કોળી (૩૮) નામનો યુવાન મોરબીના રાજપર રોડ ઉપર આવેલ પરફેક્ટના શોરૂમની બાજુમાં ગૌશાળામાં પોતે માટીનું ડમ્પર ચલાવતો હોય તે ડમ્પર લઈને ગયો હતો અને ત્યાં ડમ્પરની હાઇડ્રોલિક લારી ઉપર કરીને ગાડી આગળના ભાગમાં લેતા ઉપરથી પસાર થતી પીજીવીસીએલની ઈલેક્ટ્રીક લાઈનને ડમ્પર અડી ગયું હતું જેથી કરીને શોર્ટ સર્કિટ થવાના કારણે જગદીશભાઈ રૂદાતલાને ગંભીએ ઇજા થઈ હોવાથી તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે જોઈ તપાસીને તે યુવાને મૃત જાહેર કર્યો હતો ત્યારબાદ અકસ્માતના આ બનાવાની મૃતક યુવાનના ભાઈ મહેશભાઈ પરસોત્તમભાઈ રૂદાતલા જાતે કોળી (૪૩) રહે. અમરાપર નાગલપર વાળાએ મોરબી સીટી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ એચ.એમ. ચાવડા ચલાવી રહ્યા છે
