મોરબી જિલ્લા મહિલા દૂધ ઉત્પાદક સંઘની ચૂંટણીમાં નવ બેઠક બિનહરીફ: બે બેઠક માટે છ ફોર્મ ભરાયા

મોરબી જિલ્લા મહિલા દૂધ ઉત્પાદક સંઘના વર્તમાન હોદેદારોની મુદત પુરી થઈ રહી છે જેથી કરીને આગામી તા ૨૯ મી ડિસેમ્બરે ચૂંટણી યોજાનાર છે. ત્યારે આ ચૂંટણી માટે ઉમેદવારી પત્રકો ભરવાનો ગઇકાલે છેલ્લા દિવસ હતો ત્યારે કુલ ૧૧ બેઠકો પૈકીની બે બેઠક માટે કુલ મળીને છ ઉમેદવારી પત્રો ભરવામાં આવેલ છે અને તે બે બેઠક માટે ચૂંટણી યોજવાની છે જો કે, નવ બેઠકો બિનહરીફ થઈ ગયેલ છે

મોરબી જિલ્લા મહિલા દૂધ ઉત્પાદક સંધના વર્તમાન હોદેદારોની મુદત પૂરી થઈ છે ત્યારે આ દૂધ સંઘની કુલ મળીને ૧૧ બેઠકો માટેની ચૂંટણી જાહેર કરવામાં આવી હતી જો કે, ૧૧ પૈકીની નવ બેઠકો તો બિનહરીફ થઈ ગયેલ છે જો કે, વાંકાનેર ઝોન-૧ અને ૨ આ બે બેઠક ઉપર ભાજપ પ્રેરિત એક-એક અને અન્ય બે-બે આમ કુલ મળીને એક બેઠક ઉપર ત્રણ એટલે કે બે બેઠક માટે કુલ મળીને છ ઉમેદવારી પત્રો ભરવામાં આવેલ છે આ ફોર્મ તા ૧૩ સુધીમાં પરત ખેંચવાનો સમય છે  અને ત્યાર બાદ આગામી તા ૨૯ મીએ બે બેઠક માટેની ચૂંટણી યોજાશે. એટીઆર ઉલેખનીય છે કે, મોરબી જિલ્લા મહિલા દૂધ ઉત્પાદક સંઘની સ્થાપના ૧૦ વર્ષ પહેલા કરવામાં આવી હતી અને આ દૂધ સંઘ મહિલાઓ સંચાલિત છે આ દૂધ સંઘમાં ૩૦૦ જેટલી દૂધ મંડળીઓ જોડાયેલ છે અને દરરોજ ૧.૮૦ લાખ લિટર દૂધ આવે છે