મોરબીના નાની વાવડી પાસે જય શક્તિ સોસાયટીમાં જાહેરમાં જુગાર રમતા બે શખ્સની ધરપકડ

મોરબી નજીકના નાની વાવડી ગામે આવેલ જય શક્તિ સોસાયટીમાં જાહેરમાં ઝાડ નીચે જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી બે શખ્સો જુગાર રમતા મળી આવ્યા હતા જેથી કરીને પોલીસે ૧૧૬૦૦ ની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે ગુનો નોંધી રાબેતા મુજબની કાર્યવાહી હાથ ધરી છે.

બનાવની જાણવા મળતી વિગત પ્રમાણે મોરબી એ ડિવિઝન પોલીસની ટીમ પેટ્રોલિંગમાં હતી ત્યારે મોરબી નજીકના નાનીવાવડી ગામ પાસે આવેલ જય શક્તિ સોસાયટીમાં જાહેરમાં ઝાડ નીચે જુગાર રમતા હોવાની હકીકત મળી હતી જેથી કરીને પોલીસ દ્વારા ત્યાં જુગારની રેડ કરવામાં આવી હતી ત્યારે સ્થળ ઉપરથી પ્રવીણભાઈ પ્રેમજીભાઈ વસીયાણી જાતે જાતે પટેલ (૫૮) રહે. નાની વાવડી જય શક્તિ સોસાયટી અને મંગલગીરી પરસોતમગીરી ગોસ્વામી જાતે બાવાજી (૬૩) રહે નાની વાવડી જય શક્તિ વાળા જુગાર રમતા મળી આવ્યા હતા જેથી કરીને પોલીસે તે બંને પાસેથી ૧૧,૬૦૦ ની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધીને આગળની કાર્યવાહી હાથ ધરી છે.

અકસ્માતમાં ઇજા

મોરબીના મહેન્દ્રનગર ગામે રહેતો હાર્દિક ભરતભાઈ પટેલ (૨૭) નામનો યુવાન બાઇક લઈને ઉમા રેસીડેન્સી નજીક રસ્તા ઉપર જતો હતો ત્યારે પગપાળા જઈ રહેલા મુકેશ જેઠાભાઈ (૩૬) નામના વ્યક્તિને હડફેટ લેતા હાર્દિક અને મુકેશ બંનેને ઇજાઓ થયેલ હતી જેથી તે બંનેને સારવાર માટે મોરબીની સિવિલ હોસ્પિટલે લઈને આવ્યા હતા ત્યાં તેને સારવાર આપીને આ બનાવની મોરબી બી ડિવિઝન પોલીસને જાણ કરતાં પોલીસે બનાવની નોંધ કરીને આગળની કાર્યવાહી હાથ ધરી હતી અને બનાવની પ્રાથમિક તપાસ હિતેશભાઈ મકવાણા દ્વારા કરવામાં આવી હતી.